کرا چی ( ) کلک کے تعاون سے چیئرمین مورڑو میربحر ٹاؤن علی اکبر کی زیر صدارت میں کراچی پراپرٹی سروے کے حوالے سے ایک آگاہی تقریب بعنوان” کریں بہتر کل کی تیاری “کا انعقادکیا گیا اس آگاہی تقریب میں وائس ٹاؤن چیئرمین مورڑو میر بحر شوکت بلوچ، میونسپل کمشنر الہی بخش سیال، فوکل پر سن نوید صدیقی کلک کی جانب سے پراپرٹی ٹیکس اسپشلسٹ اور کمیونیکشن اسپشلسٹ نے شرکت کی۔مدیحہ معسود نے بتایا پراپرٹی ٹیکس ایکسائز ڈیپارٹمنٹ وصول کرتا ہے سندھ حکومت نے پراپرٹی ٹیکس ٹاؤنز کے حوالے کردیا ہے اب یہ ٹیکس جولائی 2025سے ٹاؤن وصول کریں گے، اس ٹیکس سے ٹاؤنز کی آمدنی میں اضافہ ہوگا، ٹاؤنز اس فنڈز سے اپنے وسائل کے مطابق منصوبہ بندی کریں گے اورترقیاتی اور بحالی کے کاموں پر خود خرچ کریں گے جہاں ضرورت ہوگی اسپتال، ڈسپنسریاں،پارکس،اسکول،لائبریری اور دیگر بلدیاتی عوامی مسائل حل کرسکیں گے۔ پراپرٹی ٹیکس اسپشلسٹ شکیل صدیقی نے شرکاء کو کراچی پراپرٹی سروے کے حوالے سے آگاہ کرتے ہوئے کہا کہ اس سروے منتخب بلدیاتی نمائندوں کو اس لئے شامل کیا گیا ہے کہ وہ عوام کے منتخب نمائندے ہیں اور ان کے تعاون سے سروے ٹیموں کو کام آسانی ہوگی اور رہائشی،کمرشل،تجارتی یونٹس کی درست معلومات حاصل ہوگی اس حوالے سے کسی کو کسی بھی قسم کی پریشانی یا رکاؤٹ ہو کلک کے حکام سے رابطہ کریں سروے کے حوالے سے جو بھی مشکلات آئیگی ان کو دور کریں گے اس موقع پرٹاؤن چیئرمین علی اکبر نے کہا کہ پائیدار ترقی کے لیے کلک کے زیر اہتمام ٹاؤن میونسپل کارپوریشنز میں گھر گھر اور مارکیٹوں میں جاکر اعداد و شمار جمع کیے جائینگے یہ سروے رہائشی، تجارتی، اور جائیدادوں کا احاطہ کرے گا۔ انہوں نے کہا کہ اس سروے سے ٹاؤن کے عوام کی بہتر خدمت ممکن ہوگی، کلک کی جانب سے جائیدادٹیکس نظام کو جدید بنایا جارہا ہے، اس نظام کے ذریعے اضافی آمدنی مقامی کونسلوں کو شہری خدمات اور انفرا اسٹرکچر کو اپ گریڈ کرنے کے قابل بنائے گی، یہ جدید طریقہ کار ٹاؤنز کی بلدیاتی آمدنی میں نمایاں اضافہ کرے گا جو ٹاؤن کی پائیدار اقتصادی ترقی کی راہ ہموار کرے گا مورڑو میربحر ٹاؤن کی عوام کو اس ٹیکس کے بارے میں آگاہی بلکل بھی نہیں ہے سروے کے دوران عوام کو آگاہی فراہم کرنے کیلئے بلدیاتی نمائندے اپنا بھرپور کردار ادا کریں گے جس سے فائدہ پہنچے گا اور ہم مورڑو میربحر ٹاؤن میں مزید ترقی کے کام کرسکیں گے، تقریب میں یونین کمیٹیوں کے چیئرمینز،وائس چیئرمینز،اراکین کونسل ۔ خواتین اور مارکیٹوں کے عہداران نے پراپرٹی سروے کے حوالے سے سوالات کئے کلک کے حکام نے ان کے جوابات دیئے منتخب نمائندوں اور کاروباری شخصیات کو مطمئن کیا تقریب میں یونین کمیٹیوں کے چیئرمینز، وائس چیئرمینز، مورڑو میربحر ٹاؤن کونسل کے ممبران، یونین کمیٹیوں کی منتخب خواتین،بلدیاتی افسران و عملہ اور مورڑو میر بحر ٹاؤن کی تمام مارکیٹوں کے عہداران نے بھرپور شرکت کی۔ تقریب کے اختتام پر ٹاؤن چیئرمین علی اکبر نے تمام شرکاء کا شکریہ ادا کیا۔
انفار میشن آفیسر .
