اٹک( مہتاب منیرخان سے) ڈیمپر ڈرائیور نے لفٹ لینے والےواپڈا ملازم ساجد کو زہریلا جوس پلاکراس کی جیب خالی کردی ، حالت خراب ہونے پراسے ٹی ایچ کیو ہسپتال پنڈی گھیب پہنچایا گیا، تاہم ہسپتال انتظامیہ کی عدم توجہی کے سبب بروقت طبی امداد نہ ملنے کے باعث وہ ہسپتال میں دم توڑ گیا ، لواحقین ہسپتال انتظامیہ کے خلاف سراپا احتجاج، تفصیلات کے مطابق پنڈی گھیب کے علاقہ ہجڑی کا رہائشی ،واپڈا ملازم فتح جنگ محمدساجد میں تعینات نے نے فتح جنگ سی پیک انٹرچنج سے ڈیمپر ڈرائیور سے لفٹ لی جس نے اسے زہریلا جوس پلا کر اس کی جیب سے 32000نکال لیئے اور محمدساجد کو سی پیک پنڈی گھیب انٹرچنج پر اتار دیا، حالت خراب ہونے پر محمدساجد کو ٹی ایچ کیو ہسپتال پنڈی گھیب ریفر کیا گیاتاہم ہسپتال والوں کی بےحسی کے باعث محمدساجد کی قیمتی جان چلی گئی،انچارج ملہوالی چوکی پولیس حبیب الرحمان موقع پر پہنچ گئے،پوسٹ مارٹم کے بعد میت لواحقین کے حوالے کر دی گئی ،متوفی محمدساجد کے لواحقین نے ہسپتال انتظامیہ کے خلاف احتجاج کیا اوروزیر اعلی مریم نواز شریف اور حکومت سے متعلقہ ذمہ داران کے خلاف کاروائی کا مطالبہ کیا ہے ۔
