لیڈی ایچسن ہسپتال میں ریٹائرڈ ملازمین کے اعزاز میں پروقار الوداعی ظہرانہ منعقد کیا گیا، ہسپتال کے عملے نے بھرپور شرکت کی۔ تقریب کے مہمانِ خصوصی ایم ایس لیڈی ایچسن ہسپتال پروفیسر ڈاکٹر ناصر چوہدری تھے، ڈاکٹر ناصر نے ریٹائرڈ ملازمین کی خدمات کو سراہتے ہوئے خراجِ تحسین پیش کیا۔
پروفیسر ڈاکٹر ناصر چوہدری نے کہا ہسپتال کی ترقی اور مریضوں کی بہترین نگہداشت میں ریٹائرڈ ملازمین کا کردار ناقابلِ فراموش ہے۔ خدمات ہمیشہ یاد رکھی جائیں گی
تقریب میں فاروق اور بشیر کی ریٹائرمنٹ پر خصوصی طور پر خراجِ تحسین پیش کیا گیا۔ طویل خدمات اور محنت کو سراہتے ہوئے اعزازی شیلڈز اور تحائف پیش کیے گئے۔
تقریب میں ڈاکٹر تحسین، ڈاکٹر سدرہ، ڈاکٹر حماد، ڈاکٹر نُزہت، میڈم صفیہ میڈم رفعت سمیت انتظامیہ کے دیگر عملے نے بھرپور شرکت کی۔
نڈی ایس ریلوے محمد حنیف گل منشیات اور میڈیا کے موضوع پر ایک روزہ تربیتی ورکشاپ کے اختتامی سیشن میں خطاب کررہی ہیں ۔ اسٹیج پر سید ذوالفقار حسین عاطف رضوان سید محسن اور بلال زبیری بیٹھے ہیں ۔
منشیات کے بڑھتے ہوئے رجحان کو روکنے کیلئے میڈیا کا کردار کے موضوع پر ایک روزہ تربیتی ورکشاپ ڈرگ ایڈوائزری ٹریننگ حب نے نیشنل یوتھ آرگنائزیشن پاکستان کے اشتراک سے منعقد کی۔ڈی ایس ریلوے لاہور ڈویژن محمد حنیف گل افتتاحی تقریب کے مہمان خصوصی تھے۔ اختتامی تقریب کی صدارت صائمہ نواز نائب صدر لاہور پریس کلب نے کی۔ مختلف سیشن می کنسلٹنٹ انسدادِ منشیات مہم سید ذوالفقار حسین وائس چیئرمین سید محسن، سربراہ میڈیا اسٹڈیز ڈیپارٹمنٹ سعدیہ مجید نوید درانی بنکر، بلال زبیری،جرنلسٹز حاجی عید محمد عطف رضوان، سیکرٹری عدیل راشد اور عدنان لودھی نے بھی لیکچرز دئیے ۔ورکشاپ میں مختلف جامعات کے میڈیا ڈیپارٹمنٹ کے طلبہ و طالبات کی شرکت ڈی ایس ریلوے محمد حنیف نے کہا کہ تعلیمی اداروں میں منشیات کے خلاف پریونیشن کے بین الاقوامی معیار کے مطابق تربیتی پروگرامز ضروری ہے،والدین بچوں کی صحیح تربیت اور تعلیم پر توجہ دیں، تاکہ وہ نشہ سے بچ سکیں۔ صائمہ نواز نائب صدر لاہور پریس کلب نے کہا کہ میڈیا منشیات کے خلاف آج کے دور میں بہتر پیغام دے سکتا ہے لوگ سوشل میڈیا میں مثبت چیزوں سے مستفید ہوں نہ کہ نوجوان غلط چیزوں کا انتخاب کریں۔کنسلٹنٹ انسداد منشیات مہم سید ذوالفقار حسین نے کہا کہ منشیات کے خلاف حکومت، میڈیا، اساتذہ اور والدین بڑے اسٹیک ہولڈرز ہیں، سکولوں کالجوں اور پرائیویٹ اکیڈمیوں کے طلبہ میں کیمیکلز ڈرگز کے رحجان میں اضافہ تشویشناک ہے انہوں نے کہا کہ خواتین منشیات کے خلاف بہتر اور مثبت پیغام کے ساتھ ساتھ نئے مبتلاء ہونے والوں کو بچا سکتی ہیں،سربراہ میڈیا اسٹڈیز ڈیپارٹمنٹ سعدیہ مجید نے کہا کہ یونیورسٹیوں کے طلبہ خود اپنے دوستوں کو منشیات سے بچانے کیلئے آگے ائیں۔ منشیات کے بڑھتے ہوئے رجحان کو روکنے میں میڈیا کا کردار انتہائی اہم ہے،
================
تحریک لبیک یارسول اللہ صلی اللہ علیک وسلم و تحریک صراط مستقیم کے زیر اہتمام گورنمنٹ ہائی سکول نیو کرول شالیمار ٹاؤن لاہور میں 45ویں افکارِ رضا سیمینار کے موقع پر ”امام اعظم ابو حنیفہ رحمہ اللہ کانفرنس“ کا انعقاد کیا گیا۔ کانفرنس کے ناظم حضرت مولانا سرفراز احمد حامدی جلالی تھے۔ کانفرنس میں تحریک لبیک یارسول اللہ صلی اللہ علیک وسلم کے سربراہ اور تحریک صراط مستقیم کے بانی ڈاکٹر محمد اشرف آصف جلالی نے ”امامتِ ابی حنیفہ“ کے موضوع پر امام احمد رضا بریلوی قدس سرہ العزیز کی تحقیقات پر مشتمل مفصل مقالہ پیش کیا۔ ڈاکٹر محمد اشرف آصف جلالی نے کہا: امام الائمہ امام اعظم ابو حنیفہ کے تلامذہ میں سے سینکڑوں منصب امامت پر فائز ہوئے۔ آپ کی امامت کا اندازہ اس بات سے لگایا جا سکتا ہے کہ حضرت امام بخاری، امام احمد بن حنبل
کے شاگرد تھے۔ امام احمد بن حنبل، امام شافعی کے شاگرد تھے۔ امام شافعی، امام محمد کے شاگرد تھے۔ امام محمد، امام ابو یوسف کے شاگرد تھے اور امام ابو یوسف امام اعظم ابو حنیفہ کے شاگرد تھے۔ امام اعظم ابو حنیفہ رحمہ اللہ تعالیٰ کی فقاہت پر انہیں سیدنا امام محمد باقر اور سیدنا امام جعفر صادق رحمہما اللہ تعالیٰ نے بھی خراج تحسین پیش کیا۔ امام اعظم ابو حنیفہ نے شورائی طرز پر فقہ مرتب کی۔ آپ کے تدوینِ فقہ کے بورڈ میں ایک ہزار فقہاء تھے جن میں سے چالیس مجتہدین تھے۔ خلفاء راشدین کے زمانہ کے بعد اسلام جب بھی کسی خطے میں عملی طور پر نافذ ہوا تو فقہ حنفی کی شکل میں نافذ ہوا۔ کانفرنس میں حضرت پیر سید محمد عبد الشکور شاہ صاحب، حضرت مفتی محمد ارشاد احمد حقانی جلالی، مفتی محمد شاہد عمران جلالی، مفتی محمد حذیفہ جلالی، علامہ محمد طلحہ احسن جلالی، قاری محمد صفدر عباس جلالی، علامہ محمد حامد مصطفی جلالی، علامہ محمد وسیم عباسی و دیگر نے شرکت کی۔
=====================
بورڈ آف انٹرمیڈیٹ اینڈ سیکنڈری ایجوکیشن لاہور کے زیر اہتمام میٹرک امتحانات 2025 کی رولنمبر سلپیں آنلائن کر دی گئی ہیں وزیر اعلی پنجاب مریم نواز اور وزیر تعلیم پنجاب رانا سکندر حیات کے ویژن کے مطابق چیئرمین ٹاکس فورس کمیٹی برائے بورڈز مزمل محمود ، سیکرٹری ہائر ایجوکیشن ڈاکٹر فرخ نوید ، کمشنر لاہور ڈویژن/ چیئرمین بورڈ زید بن مقصود کی خصوصی ہدایات پر پہلی مرتبہ رولنمبر سلپوں پر Q.R کوڈ لگا دیا گیا سیکرٹری لاہور بورڈ رضوان نذیر کی خصوصی کاوشوں سے لاہور بورڈ نے اہم ہدف عبور کرلیا ہے کیو آر کوڈ کی مدد سے جعلی امیدواروں کا تعاقب کیا جا سکے گا کیو آر کوڈ کو سکین کرنے پر امیدوار کی رولنمبر سلپ دکھائ
د ے گی
میٹرک امتحان 2025 کو شفاف بنانے کے لیے کنٹرولر امتحانات محمد زاہد میاں متحرک ہے.
