پیپلز پارٹی کے رکن قومی اسمبلی نواب یوسف تالپور انتقال کرگئے
اہل خانہ نے نواب یوسف تالپور کے انتقال کی تصدیق کی ہے، ان کی نماز جنازہ کل دوپہر 2 بجے عمرکوٹ میں آبائی علاقے کنری میں اداکی جائےگی۔
نواب یوسف تالپور 2024 کے عام انتخابات میں قومی اسمبلی کے حلقہ این اے 213 ضلع عمرکوٹ سے رکن قومی اسمبلی منتخب ہوئے تھے۔
نواب یوسف تالپور متعدد بار رکن قومی اسمبلی رہ چکے ہیں، نواب یوسف تالپور بےنظیر بھٹو کی کابینہ میں بھی وفاقی وزیر رہ چکے ہیں۔
وزیراعلیٰ سندھ سید مراد علی شاہ کا سینیئر سیاستدان نواب یوسف ٹالپر کے انتقال پر گہرے دکھ کا اظہار
نواب یوسف ٹالپر پارٹی کا اثاثہ تھے ان کی خدمات ہمیشہ یاد رکھی جائینگی
وزیر اعلیٰ سندھ سید مراد علی شاہ کا مرحوم کی فیملی سے تعزیت کا اظہار
=======================
صوبائی وزیرایکسائز مکیش کمار چاولہ نے پی پی پی رہنما، سینیئر سیاستدان ایم این اے نواب یوسف تالپور کے انتقال پر دکھ کا اظہار کیا،انہوں نے نواب یوسف تالپور کے فرزند نواب تیمور تالپور و دیگر لواحقین سمیت سوگوار کارکنان سے اظہار تعزیت کیا۔
مکیش کمار چاولہ نے کہا کہ نواب یوسف تالپور کا انتقال پاکستان پیپلز پارٹی کے لیے کسی صدمے سے کم نہیں،نواب یوسف تالپور ایک زیرک سیاستدان اور کئی مرتبہ پیپلز پارٹی کے ٹکٹ پر رکن قومی اسمبلی منتخب ہوئے ۔
کراچی میں بڑھتے حادثات اور امن و امان پر وزیراعلیٰ سندھ نے کانفرنس بلالی
کراچی: وزیراعلیٰ سندھ مراد علی شاہ نے شہر میں حادثات اور امن وامان کےمعاملے پر کانفرنس بلا لی۔
جیونیوز کے مطابق وزیراعلیٰ سندھ کی جانب سے بلائی جانے والی کانفرنس میں سیاسی جماعتوں سمیت پولیس کے اعلیٰ حکام بھی شریک ہوں گے۔
وزیر اعلیٰ سندھ کی سیاسی جماعتوں کی کانفرنس میں دیگر جماعتوں سمیت ایم کیو ایم بھی شرکت کرے گی جس میں فاروق ستار، علی خورشیدی، طٰحہ احمد اور دیگر شرکت کریں گے۔
اس حوالے سے گفتگو کرتے ہوئے ایم کیو ایم پاکستان کے رہنما فاروق ستار نے کہاکہ وزیراعلیٰ سندھ نے خاص طور پر مدعو کیا ہے، کانفرنس میں ڈمپر حادثات اور اس سے متعلق مسائل پر بات چیت ہوگی۔
ذرائع کا بتانا ہے کہ اے این پی اور دیگر سیاسی جماعتوں کے رہنماؤں کی بھی کانفرنس میں شرکت متوقع ہے۔
واضح رہے کہ کراچی میں حال ہی میں پیش آنے والے ہیوی ٹریفک کے حادثات میں متعدد شہری جاں بحق ہوچکے ہیں جب کہ بعض مقامات پر شہریوں کی جانب سے واٹر ٹینکر اور ڈمپر جلانے کے واقعات بھی پیش آئے۔
علاوہ ازیں سندھ حکومت نے شہر میں ہیوی ٹریفک کے داخلے پر صبح 6 سے رات 10 تک پابندی عائد کی ہے۔
=======================
لعل شہباز قلندر کے مزار کے قریبی علاقوں سے 10 زائرین کی لاشیں برآمد
سیہون: لعل شہباز قلندر کے مزار کے قریبی علاقوں سے 10 زائرین کی لاشیں برآمد ہوئیں۔
لعل شہباز قلندر کے عرس کا سلسلہ جاری ہے جس کیلئے زائرین مختلف علاقوں سے مزار کا رخ کررہے ہیں۔
یہ بھی پڑھیں
سندھ حکومت نے حضرت لعل شہباز قلندر کے عرس پر عام تعطیل کا اعلان کردیا
لعل شہباز قلندر کے مزار سے نذرانے کےکروڑوں روپے کے زیورات چوری کیس میں اہم پیشرفت
ایدھی انچارج کے مطابق مزار کے قریبی علاقوں سے 10 زائرین کی لاشیں ملی ہیں اور تمام زائرین کی اموات طبعی طور پر ہوئی۔
ایدھی انچارج نے بتایا کہ تمام لاشیں 3 روز کے دوران ملیں جن میں سے اکثریت کا تعلق پنجاب سے ہے، اب تک 9 لاشیں ورثا کے حوالے کی جاچکی ہیں اور ایدھی سرد خانے میں صرف ایک لاش موجود ہے۔
