
پروفیسر ڈاکٹر علی ایاز صادق کو پروفیسر محمد معین پروفیسر ڈاکٹر اسد اسلم خان اور پروفیسر رضا علی شاہ گلدستہ پیش کر رہے ہیں ان کی الودائی تقریب کے موقع پر
کنگ ایڈورڈ میڈیکل یونیورسٹی کے شعبہ امراضِ چشم کے پروفیسر ڈاکٹر سردار محمد علی ایاز صادق کے اعزاز میں الوداعی تقریب کا انعقاد.
کالج آف آفتھالمالوجی اینڈ الائیڈ ویژن سائنسز، میو ہسپتال، لاہور میں پروفیسر ڈاکٹر سردار محمد علی ایاز صادق کے اعزاز میں الوداعی تقریب منعقد ہوئی۔
پروفیسر ڈاکٹر محمد معین چیئرمین شعبہ امراض چشم اور پرنسپل کالج آف آپتھلمولوجی اینڈ الائیڈ وژن سائنسز نے پروفیسر ڈاکٹر سردار محمد علی ایاز صادق کی باوقار پیشہ ورانہ خدمات کو سراہا جو انہوں نے آئی ڈیپارٹمنٹ کی تعمیر و ترقی اور یہاں پر پوسٹ گریجویٹ ٹریننگ کی مد میں سرانجام دیں۔ پرنسپل کالج آف آفتھلمالوجی اینڈ الائیڈ ویژن سائنسز، پروفیسر ڈاکٹر محمد معین نے کہا کہ میں خود اس بات کا گواہ ہوں کہ پروفیسر ڈاکٹر سردار محمد علی ایاز صادق نے اپنی سربراہی میں آئی ڈیپارٹمنٹ کے یونٹ-I کو آئی فیملی بنایا۔ ان کا ڈیپارٹمنٹ ایک مثالی ڈیپارٹمنٹ ہے.
پروفیسر آیمرائٹس ڈاکٹر اسد اسلم خان، صوبائی کوآرڈینیٹر برائے پریوینشن آف بلائنڈنس پروگرام پنجاب،نے بینائی کی بحالی کے لیے پروفیسرڈاکٹر سردار محمد علی ایاز صادق کی انتھک محنت اور پیشہ ور آنہ خدمات کی تعریف کرتے ہوئے کہا کہ اُن کی آنکھوں میں ٹیڑھے پن کے علاج کے ماہر کے طور پر پیدا ہونے والے خلا کو پورا کرنا مشکل ہو گا.
الوداعی تقریب کی انتظامیہ نے پروفیسر ڈاکٹر محمد معین، پروفیسر ڈاکٹر اسد اسلم خان، پروفیسر ڈاکٹر سید رضا علی شاہ، ڈاکٹر ناصر چوہدری، ڈاکٹر شہیر، ڈاکٹر عائشہ اعظم، ڈاکٹر عرفان مسلم، ڈاکٹر سلمان حمزہ فیکلٹی، طلباء و طالبات اور شرکاء کی خصوصی شرکت پر ان کا شکریہ ادا کیا۔
پروفیسرڈاکٹر سردار محمد علی ایاز صادق نے کالج انتظامیہ کا شکریہ ادا کیا اور فیکلٹی کے ہمہ جہد بھرپور تعاون کی تعریف کی اور مستقبل میں اُن کا تعاون انسٹیٹیوٹ آف آفتھالمالوجی کے ساتھ ہمیشہ ایسے ہی جاری رہے گا.























