اناللہ واناالیہ راجعون
انتہائی ملنسار اور روزنامہ جنگ کراچی سے وابستہ سینئر صحافی جمشید بخاری بھائی اپنے رب کے حضور پیش ہوگئے ہیں اللہ پاک آخرت کی منازل آسان کریں آمین یارب العالمین
جمشید گل مرحوم کی نماز جنازہ بعد نماز عصر مسجد ایاز محمود نزد راحت ملک کارنر ڈی ایچ اے فیز ٹو ایکسٹینشن میں ادا کی جائے گی۔
==========================
انا للّٰہ وانا الیہ راجعون
جمشید گل بخاری کا نام صحافت کے افق پر ایسا جگمگاتا ہوا ستارہ تھا جسے کبھی بھلایا نہیں جا سکتا۔ آج ان کے انتقال کی خبر سن کر دل پر بجلی سی گری۔ ایسا محسوس ہوا جیسے قیمتی ترین متاع چھن گئی ہو، اور یہ نقصان ناقابلِ تلافی ہے۔ جمشید گل بخاری نہ صرف ایک عظیم صحافی تھے بلکہ ایک بے حد مخلص، ہمدرد، اور علم و اخلاق کے پیکر تھے۔
ان کے ساتھ گزرے لمحات آج بھی میرے ذہن میں تروتازہ ہیں۔ وہ ہمیشہ مجھے حوصلہ دیتے، میری اصلاح کرتے، اور اگر ناراض بھی ہوتے تو اس میں بھی محبت اور شفقت کا رنگ غالب رہتا۔ ان کا صحافت کے لیے بے لوث جذبہ اور غیر متزلزل وابستگی بے مثال تھی۔ وہ ہمیشہ حقائق پر مبنی خبروں کو ترجیح دیتے اور اپنی جرت مند صحافت کے لیے مشہور تھے۔
اپنی زندگی کے آخری ایام میں، انہوں نے اپنی ذات میں بہت اصلاحات کیں اور اپنی زندگی کے تجربات کو دوسروں کے لیے مشعلِ راہ بنایا۔ وہ اکثر اپنی والدہ کو یاد کرتے، اور ان کی باتوں سے اس گہرے رشتے کی جھلک نمایاں ہوتی۔ ان کی شخصیت کا ایک بڑا پہلو ان کا علمی خزانہ تھا، جس سے ہر ملاقات میں کچھ نہ کچھ سیکھنے کو ملتا۔ لیکن ان سے جتنی بھی ملاقاتیں ہوئیں، ہمیشہ یہ محسوس ہوا کہ مزید بات کرنے کی طلب باقی رہ گئی۔
ان کی وفات نے دل کو گہرے صدمے میں مبتلا کر دیا ہے۔ ایک بے مثال انسان، ایک بے لوث شخصیت، اور ایک غیر معمولی صحافی آج ہم سے بچھڑ گیا۔ میری دعا ہے کہ اللہ تعالیٰ ان کی مغفرت فرمائے، ان کے درجات بلند کرے، اور ان کے اہل خانہ کو صبرِ جمیل عطا فرمائے۔ آمین۔
بقلم خود
قادر خان یوسف زئی
==========================
اناللہ واناالیہ راجعون
انتہائی ملنسار، بڑا بھائی دوست اور روزنامہ جنگ سے وابستہ سینئر صحافی جمشید بخاری اب ہم میں نہیں رہے اللہ پاک کامل مغفرت فرمائیں، آخرت کی منازل آسان کریں اور جنت الفردوس میں اعلی مقام عطاء فرمائیں آمین یارب العالمین
کراچی یونین آف جرنلسٹس کی مجلس عاملہ دعاگوہےکہ اللہ کریم جمشیدگل بخاری کوجنت الفردوس میں اعلی مقام عطاءفرماٸےاورانکےاہلخانہ کوصبرجمیل عطافرماٸے۔آمین۔
کراچی یونین آف جرنلسٹس کی منتخب مجلس عاملہ غم کی اس گھڑی میں جمشیدگل بخاری کےاہلخانہ کےساتھ برابرکی شریک ہے۔
======================
کراچی (پ ر) کراچی یونین آف جرنلسٹس (کے یو جے) کے صدر اعجاز احمد اور جنرل سیکریٹری لبنیٰ جرار نقوی نے روزنامہ جنگ کے رپورٹر جمشید گل بخاری کے انتقال پر گہرے دکھ اور افسوس کا اظہار کیا ہے۔ کے یو جے کے صدر، سیکریٹری، نائب صدور محمد ناصر شریف، راہب گاہو، خازن یاسر محمود، جوائنٹ سیکریٹریز طلحہٰ ہاشمی، روبینہ یاسمین اور مجلس عاملہ کے اراکین نے اپنے مشترکہ بیان میں مرحوم کے اہل خانہ سے دلی تعزیت کا اظہار کرتے ہوئے کہا کہ دکھ کی اس گھڑی میں کے یو جے کے تمام ارکان ان کے ساتھ ہیں۔ انہوں نے دعا کی کہ اللّٰہ تعالیٰ مرحوم کی مغفرت فرمائے اور ان کے تمام سوگوار لواحقین کو صبر جمیل عطاء فرمائے۔ آمین۔
جاری کردہ:
لبنیٰ جرار نقوی
جنرل سیکریٹری
کراچی یونین آف جرنلسٹس۔
====================
اظہار تعزیت
وزیر بلدیات سندھ سعید غنی نے روزنامہ جنگ کے سینئر صحافی جمشید گل بخاری کے انتقال پر اپنے گہرے رنج و غم کا اظہار کیا ہے۔
مرحوم جمشید بخاری ایک سچے، مخلص اور جمہوریت پسند صحافی تھے۔ سعید غنی
جمشید بخاری مرحوم نے روزنامہ جنگ کراچی میں کئی دہائیوں سے خدمات انجام دی اور انہوں نے ہمیشہ حق و سچ کی صحافت کو پروان چڑھایا۔ سعید غنی
اللہ تعالٰی مرحوم کی مغفرت فرمائے اور انہیں اپنی جوار رحمت میں اعلٰی مقام عطا فرمائے۔ آمین سعید غنی
اللہ تعالٰی مرحوم جمشید بخاری کے درجات بلند فرمائے اور ان کے لواحقین کو صبر جمیل عطا فرمائیں۔ آمین سعید غنی
کراچی
24 جنوری 2025
کراچی یونین آف جرنلسٹس (کے یو جے) کے ایک وفد نے سندھ کے سینئر وزیر اور صوبائی وزیر برائے اطلاعات، ٹرانسپورٹ و ماس ٹرانزٹ شرجیل انعام میمن سے کے یو جے کے صدر حسن عباس اور جنرل سیکریٹری لبنیٰ جرار کی قیادت میں سندھ سیکریٹریٹ میں ملاقات کی۔
سینئر وزیر شرجیل انعام میمن نے کے یو جے کے نمائندوں کا پرتپاک خیر مقدم کیا اور نومنتخب باڈی کو کامیابی پر مبارکباد دی۔ ملاقات کے دوران کے یو جے کے وفد نے الیکٹرانک کرائمز کی روک تھام کے ایکٹ (PECA) کے بارے میں تحفظات کا اظہار کیا، تاہم، کے یو جے رہنماؤں نے صحافیوں کی حمایت میں پاکستان پیپلز پارٹی کے تاریخی کردار کی تعریف کی۔ کے یو جے رہنماؤں کا کہنا تھا کہ پاکستان پیپلز پارٹی پیکا قانون کے حوالے سے صحافی کے تحفظات کے خاتمے کے لئے کردار ادا کرے۔
ملاقات کے موقع پر بات کرتے ہوئے سینئر وزیر شرجیل انعام میمن نے کہا کہ سندھ حکومت صحافیوں کی قربانیوں اور خدمات کو تسلیم کرتی ہے، مشکل وقت ہو یا سازگار وقت میں پیپلز پارٹی ہمیشہ صحافیوں کے ساتھ کھڑی رہی ہے۔
انہوں نے کہا کہ پریس کی آزادی ضروری ہے، لیکن صحافت میں احتساب کے ساتھ ساتھ ذمہ داری بھی ہونی چاہیے، پیپلز پارٹی کی حکومت سندھ صحافیوں کے مسائل کے حل اور آزاد میڈیا کے لیے کے لیے سازگار ماحول کو یقینی بنانے کے لیے پرعزم ہے۔
سینئر وزیر شرجیل انعام میمن نے کہا کہ میں ذاتی طور پر صحافی برادری کے تحفظات کے کے حوالے سے پارٹی قیادت کو آگاہ کروں گا، انہوں نے وفد کو یقین دہانی کروائی کی صحافیوں کے مسائل کو ترجیحی بنیادوں پر حل کیا جائے گا۔ ملاقات کے موقع پر سیکرٹری اطلاعات ندیم الرحمان میمن اور ڈائریکٹر جنرل اطلاعات سلیم خان بھی موجود تھے۔
