راولپنڈی(نیوز ایجنسی) کراچی سے راولپنڈی آنے والی لڑکی نے عمارت کی چھت سے چھلانگ لگا کر خودکشی کرلی ، پولیس کے مطابق لڑکی اپنے دوست کے ساتھ 2روز قبل آئی تھی، لڑکی کے ساتھی کو حراست لے لیا گیا ہے اور تحقیقات کی جارہی ہیں۔ میڈیا رپورٹ کے مطابق راولپنڈی میں تھانہ روات کے علاقے میں لڑکی کی مبینہ خودکشی کی کوشش کی۔پولیس نے بتایا کہ لڑکی نے مبینہ طورپر گھر کی چھت سے چھلانگ لگائی تاہم لڑکی کو اسپتال منتقل کردیا ہے۔حکام کا کہنا تھا کہ لڑکی دوست کے ہمراہ دو روز قبل کراچی سے راولپنڈی آئی تھی۔مبینہ خودکشی کرنیوالی لڑکی کی حالت تشویشناک تھی تاہم بعد ازاں دم توڑ گئی۔پولیس نے کہا کہ لاش کو پوسٹ مارٹم کیلئے اسپتال منتقل کیاجارہاہے، واقعہ تھانہ روات کی حدود میں واقع پوش علاقے میں پیش آیا۔
=======================
ابوظہبی لاہور پرواز ، ایئر ہوسٹس سے 22نئے آئی فون برآمد
26 جنوری ، 2025FacebookTwitterWhatsapp
کراچی (افضل ندیم ڈوگر) قومی ایئر لائن کی ابوظہبی سے لاہور پہنچی پرواز کی ایئر ہوسٹس کے قبضے سے 22آئی فون برآمد ہوئے ہیں جو مبینہ طور پر اسمگل کیے جا رہے تھے۔ ترجمان پی آئی اے کے مطابق ایئر ہوسٹس اسماء پی آئی اے کی ابوظہبی لاہور کی پرواز پی کے 264سے لاہور پہنچی تھی کسٹمز حکام کے مطابق ایئر ہوسٹس کے سامان کی تلاشی کے دوران 22موبائل فون برآمد ہوئے۔ جنہیں کسٹمز حکام نے ضبط کرلیا ہے۔ پی آئی اے انتظامیہ نے فی الفور ائیرہوسٹس کو معطل کرکے شوکاز نوٹس جاری کرکے محکمانہ تحقیقات کا آغاز کردیا گیا ہے۔ جرم ثابت ہونے کی صورت میں کمپنی پالیسی کے تحت سخت ترین سزا کا تعین کیا جا سکتا ہے۔ قومی ایئرلائن کے سی ای او نے پہلے سے ہی ایسے غیر قانونی کاموں کی روک تھام کے لیے ہدایات جاری کرچکے ہیں۔
