خبرنامہ نمبر528/2025
کوئٹہ22جنوری۔بلوچستان حکومت اور گرینڈ ہیلتھ الائنس کے مابین کامیاب مذاکرات کے بعد طبی خدمات کی بحالی اور ہڑتال کے خاتمے کا اعلان کر دیا گیا ہے ترجمان حکومت بلوچستان شاہد رند کے مطابق تمام معاملات خوش اسلوبی سے طے پا گئے ہیں اور آئندہ ہر قسم کی ہڑتال اور احتجاج سے اجتناب کرنے کی یقین دہانی کرائی گئی ہے انہوں نے بتایا کہ گرینڈ ہیلتھ الائنس اور حکومت کے درمیان مذاکرات میں پاکستان میڈیکل ایسوسی ایشن کے عہدیداروں نے ثالثی کا کردار ادا کیا یہ واضح کیا گیا ہے کہ بلوچستان ہائیکورٹ کے فیصلے پر من و عن عمل درآمد یقینی بنایا جائے گا، اور معزز عدالت عالیہ کے احکامات پر ہر صورت عمل ہوگا انہوں نے کہا کہ وزیر اعلیٰ بلوچستان میر سرفراز بگٹی اور صوبائی وزیر صحت بخت محمد کاکڑ عام آدمی کو معیاری طبی سہولیات کی فراہمی کے لیے پرعزم ہیں ترجمان نے کہا کہ محکمہ صحت میں جاری اصلاحات وسیع تر عوامی مفاد میں ہیں اور ان کا تسلسل ہر صورت برقرار رکھا جائے گا حکومت نے واضح کیا ہے کہ سرکاری اسپتالوں کو عوامی خدمت کے مثالی مراکز بنایا جائے گا محکمہ صحت کے وسائل غریب عوام کی امانت ہیں، اور ان کے درست استعمال کو یقینی بنایا جائے گا ترجمان نے کہا کہ آئندہ کسی بھی خلاف قانون ہڑتال یا اقدام کو قبول نہیں کیا جائے گا حکومت اپنی رٹ قائم رکھنے کے لیے پرعزم ہے، اور سرکاری ادارے آئین و قوانین کے تحت چلائے جائیں گے بلوچستان حکومت نے طبی عملے کے جائز مطالبات کے حل کے لیے مربوط طریقہ کار اپنانے کا اعلان کیا ہے ترجمان شاہد رند نے کہا کہ عوامی مشکلات کے احساس کے پیش نظر طبی خدمات کی معطلی ناقابل برداشت ہے اور سرکاری اسپتالوں میں بلا تعطل طبی خدمات کی فراہمی یقینی بنائی جائے گی انہوں نے کہا کہ یہ اقدامات حکومت بلوچستان کے عوامی خدمت کے عزم کو اجاگر کرتے ہیں اور صحت کے شعبے میں جاری اصلاحات کی تکمیل کے لیے حکومت کے سنجیدہ ارادے کو ظاہر کرتے ہیں۔
﴾﴿﴾﴿﴾﴿
خبرنامہ نمبر529/2025
کوہلو 22 جنوری۔کوہلو شہر میں گران فروشوں اور تجاوزات کے خلاف بھرپور کارروائی کرتے ہوئے غیر معیاری اور گراں فروشی کرنے والے دوکانداروں کو جرمانے عائد کئیے گئے۔ کریک ڈاون کے دوران اندرون شہر کے مختلف بازاروں اور گلیوں میں گراں فروشوں کے خلاف سخت کارروائی کی گئی۔ ایک درجن سے زائد دکانداروں کو سرکاری نرخنامے سے زائد قیمتوں پر اشیائ خوردونوش فروخت کرنے پر جرمانے عائد کیے گئے۔ اس موقع پر رسالدار میجر شیر محمد مری کا کہنا تھا کہ تجاوزات کو ہٹانے کا مقصد شہریوں کو روزمرہ زندگی کے مشکلات میں کمی لانا ہے جس کی وجہ سے عوامی شکایات پر فوری کارروائی کی جا رہی ہے تاکہ شہریوں کو ریلیف فراہم کیا جا سکے۔ اس کارروائی کا مقصد عوام کو مہنگائی اور غیر قانونی تجاوزات سے نجات دلانا ہے انہوں نے دکانداروں اور شہریوں کو تنبیہ کی کہ وہ قانون کی پاسداری کو یقینی بنائیں اور سرکاری نرخنامے پر عمل کریں، بصورت دیگر مزید سخت کارروائی کی جائے گی رسالدار میجر لیویز نے مزید کہا کہ یہ کارروائی ایک ابتدائی قدم ہے مزید مرحلہ وار گران فروشوں اور تجاوزات کے خلاف سخت ایکشن لیا جائے گا۔ اشیا ضروریہ عوام کو مہنگے داموں فروخت کرنے والے کسی رعایت کے مستحق نہیں ہوں گے اس لئے تمام دوکاندار اپنا قبلہ درست کریں۔انہوں نے عوام سے تعاون کی اپیل کرتے ہوئے کہا کہ وہ غیر قانونی سرگرمیوں کی اطلاع دے کر انتظامیہ کا ساتھ دیں۔شہریوں نے انتظامیہ کے اقدامات کو سراہا اور امید ظاہر کی کہ اس قسم کی کاروائیوں کا تسلسل جاری رہے گا۔
﴾﴿﴾﴿﴾﴿
خبرنامہ نمبر530/2025
خضدار 22 جنوری۔ محکمہ تعلیم میں ایس بی کے SBK میں منعقدہ ٹیسٹ انٹرویوز اور اساتذہ کی کنٹریکٹ بنیاد پر تعیناتی کے حوالے سے قلات ڈویژن کے امیدواروں کی شکایات کا جائزہ لینے کے لیے کمشنر قلات ڈویژن محمد نعیم خان بازئی کی سربراہی میں اجلاس منعقد ہوا۔ یہ شکایات کمشنر قلات ڈویژن محمد نعیم خان بازئی کی جانب سے شکایت کا ازالہ کرنے والے سیل کو موصول ہوئے تھے۔ کمشنر قلات ڈویژن نے کہا کہ محکمہ تعلیم میں میرٹ اور امیدوار کی موزونیت کو مد نظر رکھا جائے گا اور جائز شکایات کی ازالے کے لیے محکمہ تعلیم کو سفارش کی جائے گی۔ انہوں نے کہا کہ تعلیم کے محکمہ کے حوالے سے کوئی کوتاہی برداشت نہیں کی جائے گی اور معذور کوٹہ اور اقلیتی کوٹے پہ میرٹ کو یقینی بنایا جائے گا انہوں نے مزید کہا کہ وزیراعلی بلوچستان میر سرفراز خان بگٹی کی میرٹ پالیسی کی پاسداری کو ہر صورت میں یقینی بنایا جائے گا۔ اجلاس میں ایڈیشنل کمشنر اعجاز احمد جعفر اور قلات ڈویژن کے ضلعی افسران ڈی ای او حب ڈی ای او قلات ڈویژنل ڈائریکٹر محمد زکریا شاہوانی کے علاوہ دیگر متعلقہ حکام نے شرکت کی۔
﴾﴿﴾﴿﴾﴿
وفاقی حکومت نے جسٹس ریٹائرڈ فقیر محمد کھوکھر کو لاپتہ افراد کمیشن کا سربراہ مقرر کردیا۔ تفصیلات کے مطابق سپریم کورٹ میں لاپتہ افراد سے متعلق کیس کی سماعت ہوئی جہاں سماعت کے دوران ایڈیشنل اٹارنی جنرل عامر رحمان نے بتایا کہ ’حکومت نے جسٹس ریٹائرڈ جاوید اقبال کی جگہ جسٹس ریٹائرڈ فقیر محمد کھوکھر کو نیا کمیشن سربراہ لگا دیا ہے، حکومت قانون سازی کے ذریعے لاپتہ افراد ٹربیونل بنانا چاہتی ہے‘، جسٹس محمد علی مظہر نے کہا کہ ’لاپتہ افراد ٹربیونل کے لیے تو قانون سازی کرنا پڑے گی‘، جس پر ایڈیںشنل اٹارنی جنرل نے جواب دیا کہ ’قانون سازی کے لیے کابینہ کمیٹی کام کر رہی ہے‘۔
اس دوران جسٹس جمال مندوخیل نے ریمارکس دیئے کہ ’قانون تو پہلے سے موجود ہے، کسی کو لاپتہ کرنا جرم ہے، کسی نے جرم کیا ہے تو ٹرائل کریں، جرم نہیں کیا تو اس کو چھوڑدیں‘، جس پر ایڈیںشنل اٹارنی جنرل نے کہا کہ ’وفاقی حکومت ایک مرتبہ لاپتہ افراد ایشو کو سیٹ کرنا چاہتی ہے‘، جسٹس حسن اظہر رضوی نے پوچھا کہ ’اب تک کمیشن نے کتنے لاپتہ افراد کی ریکوریاں کیں؟ کیا بازیاب ہونے والے آکر بتاتے ہیں کہ وہ کہاں تھے؟‘۔
اس سوال پر رجسٹرار لاپتہ افراد کمیشن نے جواب دیا کہ ’بازیاب ہونے والے نہیں بتاتے وہ کہاں پر تھے‘، جسٹس جمال مندوخیل نے کہا کہ ’پارلیمنٹ کو قانون سازی کا نہیں کہہ سکتے، بس امید ہی کرسکتے ہیں کہ حکومت لاپتہ افراد کا مسئلہ حل کرے گی‘، بعد ازاں سپریم کورٹ نے کیس کی سماعت غیر معینہ مدت کے لیے ملتوی کردی۔
بلوچستان حکومت اور ہڑتالی طبی عملے کے درمیان مذاکرات کامیاب، ہڑتال ختم
کوئٹہ ۔22جنوری
بلوچستان حکومت اور گرینڈ ہیلتھ الائنس کے مابین کامیاب مذاکرات کے بعد طبی خدمات کی بحالی اور ہڑتال کے خاتمے کا اعلان کر دیا گیا ہے ترجمان حکومت بلوچستان شاہد رند کے مطابق تمام معاملات خوش اسلوبی سے طے پا گئے ہیں اور آئندہ ہر قسم کی ہڑتال اور احتجاج سے اجتناب کرنے کی یقین دہانی کرائی گئی ہے انہوں نے بتایا کہ گرینڈ ہیلتھ الائنس اور حکومت کے درمیان مذاکرات میں پاکستان میڈیکل ایسوسی ایشن کے عہدیداروں نے ثالثی کا کردار ادا کیا یہ واضح کیا گیا ہے کہ بلوچستان ہائیکورٹ کے فیصلے پر من و عن عمل درآمد یقینی بنایا جائے گا، اور معزز عدالت عالیہ کے احکامات پر ہر صورت عمل ہوگا انہوں نے کہا کہ وزیر اعلیٰ بلوچستان میر سرفراز بگٹی اور صوبائی وزیر صحت بخت محمد کاکڑ عام آدمی کو معیاری طبی سہولیات کی فراہمی کے لیے پرعزم ہیں ترجمان نے کہا کہ محکمہ صحت میں جاری اصلاحات وسیع تر عوامی مفاد میں ہیں اور ان کا تسلسل ہر صورت برقرار رکھا جائے گا حکومت نے واضح کیا ہے کہ سرکاری اسپتالوں کو عوامی خدمت کے مثالی مراکز بنایا جائے گا محکمہ صحت کے وسائل غریب عوام کی امانت ہیں، اور ان کے درست استعمال کو یقینی بنایا جائے گا ترجمان نے کہا کہ آئندہ کسی بھی خلاف قانون ہڑتال یا اقدام کو قبول نہیں کیا جائے گا حکومت اپنی رٹ قائم رکھنے کے لیے پرعزم ہے، اور سرکاری ادارے آئین و قوانین کے تحت چلائے جائیں گے بلوچستان حکومت نے طبی عملے کے جائز مطالبات کے حل کے لیے مربوط طریقہ کار اپنانے کا اعلان کیا ہے ترجمان شاہد رند نے کہا کہ عوامی مشکلات کے احساس کے پیش نظر طبی خدمات کی معطلی ناقابل برداشت ہے اور سرکاری اسپتالوں میں بلا تعطل طبی خدمات کی فراہمی یقینی بنائی جائے گی انہوں نے کہا کہ یہ اقدامات حکومت بلوچستان کے عوامی خدمت کے عزم کو اجاگر کرتے ہیں اور صحت کے شعبے میں جاری اصلاحات کی تکمیل کے لیے حکومت کے سنجیدہ ارادے کو ظاہر کرتے ہیں
ٹکرز برائے الیکٹرانک میڈیا
کوئٹہ،22 جنوری
بلوچستان حکومت محکمہ صحت اور ہڑتالی ڈاکٹرز، پیرا میڈیکس اور تمام کیٹیگریز کے ہڑتالی ملازمین کے مابین معاملات خوش اسلوبی سے طے پا گئے، ترجمان حکومت بلوچستان شاہد رند
گرینڈ ہیلتھ الائنس اور حکومت بلوچستان کے درمیان اہم پیش رفت ہوئی ہے، ترجمان حکومت بلوچستان شاہد رند
پاکستان میڈیکل ایسوسی ایشن کے عہدیداروں نے ثالثی کا کردار ادا کیا۔ ترجمان بلوچستان حکومت
طبی خدمات کی بحالی اور ہڑتال ختم کرنے پر اتفاق ہوگیا ہے، ترجمان بلوچستان حکومت
بلوچستان ہائیکورٹ کے فیصلے پر من و عن عمل درآمد یقینی بنایا جائے گا، ترجمان صوبائی حکومت
معزز عدالت عالیہ کے احکامات پر عمل درآمد ہر صورت یقینی بنائیں گے، ترجمان بلوچستان حکومت
واضح کرچکے ہیں کہ معزز عدالت عالیہ کی ہدایات پر ہر صورت اور مکمل عمل ہوگا ، ترجمان صوبائی حکومت
یقین دہانی کرائی گئی ہے کہ مستقبل میں ہر طرح کی ہڑتال و احتجاج سے اجتناب کیا جائے گا، ترجمان بلوچستان حکومت شاہد رند
عوام کی مشکلات کا احساس ہے ، طبی خدمات کی معطلی قابل برداشت عمل نہیں، ترجمان صوبائی حکومت
محکمہ صحت کے ملازمین کے جائز مطالبات کے لئے ایک مربوط طریقہ کار کے تحت کام کیا جائے، ترجمان حکومت بلوچستان شاہد رند
خلاف قانون کوئی بھی ہڑتال یا اقدام قابل پذیرائی نہیں، ترجمان بلوچستان حکومت شاہد رند
وزیر اعلیٰ بلوچستان میر سرفراز بگٹی اور صوبائی وزیر صحت بخت محمد کاکڑ عام آدمی کو صحت کی معیاری سہولیات کی فراہمی کے لئے پرعزم ہیں، ترجمان صوبائی حکومت
محکمہ صحت میں جاری اصلاحات وسیع تر عوامی مفاد میں ہیں ، ترجمان بلوچستان حکومت شاہد رند
اصلاحات کا تسلسل اور نفاذ ہر صورت ہوگا ،ترجمان بلوچستان حکومت
تمام اسٹیک ہولڈرز کو اعتماد میں لیکر اصلاحاتی ایجنڈہ مکمل کیا جائے گا، ترجمان صوبائی حکومت
سرکاری اسپتالوں کو عوامی خدمت کے مثالی مرکز بنائیں گے، ترجمان بلوچستان حکومت
کسی کی ذاتی خواہشات کے تابع نہیں، مفاد عامہ میں حکومت اپنا کام کرے گی ، ترجمان صوبائی حکومت
آئین و قوانین کے تحت قائم سرکاری ادارے افراد کی خواہشات پر نہیں حکومت کی ہدایات پر چلتے ہیں، ترجمان صوبائی حکومت
محکمہ صحت کے لئے مختص وسائل غریب عوام کی امانت ہیں ، کوئی خیانت نہیں کرنے دیں گے، ترجمان صوبائی حکومت
حکومت اپنی رٹ قائم رکھنا جانتی ہے کوئی کسی غلط فہمی میں نہ رہے ، ترجمان بلوچستان حکومت
عوامی وسائل کا درست استعمال یقینی بنائیں گے، ترجمان بلوچستان حکومت شاہد رند
سرکاری اسپتالوں میں بلا تعطل طبی خدمات کی فراہمی یقینی بنائی جائے گی، ترجمان بلوچستان حکومت شاہد رند
