کیپشن:
ویمن چیمبر آف کامرس اینڈ انڈسٹری فلاحت عمران لاہور کالج فار ویمن یونیورسٹی میں فرنیچر ڈیزائن ایکسپو میں ایک طالبہ کی تیار کردہ خودکار موبائل چارجنگ ٹیبل کا معائنہ کر رہی ہیں
==============
لاہور کالج فار ویمن یونیورسٹی میں فرنیچر ڈیزائن ایکسپو 2025 کا آغاز ہو گیا۔ تین روزہ نمائش کا افتتاح مہمان خصوصی صدر ویمن چیمبر آف کامرس اینڈ انڈسٹری لاہور فلاحت عمران نے کیا۔ نمائش کا اہتمام ویژیول آرٹس ڈیپارٹمنٹ، خدیجتہ الکبری انکیوبیشن سنٹر BIC اور ہیسا یو ایس اے آئی ڈی HESSA- USAID کے نمائندوں نے باہمی تعاون سے کیا۔ وائس چانسلر لاہور کالج فار ویمن یونیورسٹی پروفیسر ڈاکٹر عظمیٰ قریشی نے مہمان خصوصی کو بتایا کہ بزنس انکیوبیشن سنٹر مختلف ڈیپارٹمنس سے مل کر طالبات کی کیپسٹی بلڈنگ اور انٹرپینورشپ پر توجہ دے رہا ہے۔ تعلیمی اداروں اور انڈسٹری میں ربط تعلیم اور صنعت دونوں کیلئے انتہائی اہمیت کا حامل ہے۔ ہیڈ آف ویژیول ڈیپارٹمنٹ لاہور پروفیسر ڈاکٹر معصومہ عباس نے بتایا کہ نمائش کا مقصد طالبات کی صلاحیتوں کو سامنے لانا ہے۔ طالبات نے جدید دور کے تقاضوں کے مطابق فرنیچر کے ڈیزائن پیش کئے ہیں جس سے فرنیچر انڈسٹری کو مفید رہنمائی اور آئیڈیاز مل سکتے ہیں۔ نمائش میں پیش کئے گئے فرنیچر سے گریجوایٹس کو کاروبار شروع کرنے میں مدد ملے گی.
==============
صوبائی وزیر صحت جناب خواجہ سلمان رفیق نے پی ایم اے ہاؤس کا خیر سگالی دورہ کیا۔ پاکستان میڈیکل ایسوسی ایشن کے عہدیداران نے صوبائی وزیر کا استقبال کیا۔ اس موقع پر پی ایم اے کے مرکزی صدر ڈاکٹر اظہار احمد چوہدری، صوبائی صدر ڈاکٹر کامران سعید، پی ایم اے لاہور کے صدر پروفیسر شاہد ملک، سابقہ مرکزی صدر پروفیسر اشرف نظامی، ڈاکٹر کامران احمد، ڈاکٹر واجد علی، پروفیسر خالد محمود خان، ڈاکٹر بشری حق، ڈاکٹر ارم شہزادی، ڈاکٹر احمد نیعم، پروفیسر علی رفیق مرزا، ڈاکٹر سلمان کاظمی، ڈاکٹر نادر خان، ڈاکٹر کیپٹن ارشد ہمایوں اور دیگر اراکین مجلس عاملہ موجود تھے۔
ملاقات میں متفقہ فیصلہ کیا گیا کہ POSکے ضمن میں مسلئے کی اصل صورتحال سے آگہی کیلئے جلد ہی صوبائی وزیر صحت کی موجودگی میں چیئرمین ایف بی آر سے ملاقات کی جائے گی۔
ملاقات میں ہیلتھ کیئر کمیشن کی ناقص کارکردگی، رجسٹرڈ ڈاکٹروں کو انڈیکیٹرز اور انسپکشن کے نام پر ہراساں کرنے پر سوالات اٹھائے گئے اور فیصلہ ہوا کہ اس ضمن میں چند دنوں میں ہیلتھ کیئر کمیشن اور پی ایم اے کی لیڈر شپ کا ایک مشترکہ اجلاس منعقد کیا جائے گا۔ صوبائی وزیر صحت نے محکمہ صحت میں ترقیوں کا عمل تیز کرنے کی یقین دہانی کروائی۔
اجلاس میں محکمہ صحت میں منجمنٹ کیڈڑ بنانے کی ضرورت پر زور دیا گیا کیونکہ ہسپتالوں میں میڈیکل ٹیچرز کے انتظامی ایڈہاک ازم سے کافی مسائل پیدا ہو رہے ہیں۔
