جیکب آباد ( نمائندہ ) ایم این اے میر اعجاز حسین کی ہدایت پر شہر کو صاف ستھرا رکھنے کیلئے ترقیاتی کام تیزی سے جاری ، اکثر علاقوں میں ڈرینیج کے نالے ازسر نو تعمیر ہو رہے ہیں ، شہریوں کی میڈیا سے گفتگو ،
تفصیلات کے مطابق جیکب آباد کے شہریوں کا دیرینہ نکاسی آب کا مسئلہ حل ہوتا ہوا نظر آرہا ہے ، شوکت علی گھنیو غلام یاسین جاکھرانی سجادحسین مستوئی ودیگر نے صحافیوں سے گفتگو کرتے ہوئے بتایا ہے کہ پورے شہر میں ترقیاتی منصوبوں پر کام ہو رہا ہے جس میں لورا محلہ، پولیس ہیڈ کوارٹر ،افضل خان کھوسہ روڈ، سینیما روڈ، شاہ غازی محلہ، اسٹیشن روڈ ودیگر محلوں و راستوں پر کام تیزی سے ہو رہا ہے جہاں ماضی میں سیوریج کا پانی جمع ہو جاتا تھا جس کے باعث شہری بھی پریشان ہوتے تھے ، شہریوں کی تکلیف کو مدنظر رکھتے ہوئے ایم این اے میر اعجاز حسین جاکھرانی کی ہدایات اور چیئرمین میونسپل کمیٹی میر عباس خان جاکھرانی کی کوششوں کی وجہ سے آج شہر کے اکثر علاقوں میں سیوریج کے نالے از سر نو تعمیر اور سڑکوں کو پختہ کرنے کے لیے ٹف ٹائیل کا کام بہت تیزی سے ہو رہا ہے ، دیگر ترقیاتی منصوبوں کے حوالے سے منتخب نمائندوں کی کوششوں کو سراہتے ہوئے انہوں نے کہا ہے کہ جس طرح ایم این اے میر اعجاز حسین عوام کی فلاح وبہبود کے لیے کوشاں ہیں ، شہر سمیت دیہی علاقوں میں بھی ترقیاتی کام تیزی سے جاری ہیں ، اویس میر، جھانگیر خان ودیگر شھريوں کا کا کہنا تھا ہم امید کرتے ہیں کہ ایم این اے میر اعجاز حسین خان اور چیئرمین میونسپل کمیٹی میر عباس خان دیگر ترقیاتی کاموں کے ساتھ ساتھ شھید اللہ پارک کی بحالی کے لیے بھی کوشش ضرور کریں گے ۔
جیکب آباد (نمائندہ ) ایکس ای این حیسکو کیخلاف کروڑوں روپے کے فراڈ کا مقدمہ درج ،
ایکس ای این حیسکو ظفر سولنگی کیخلاف ایک شہری ایاز سدھایو کی مدعیت میں مقدمہ درج ہوا ہے ، تفصیلات کے مطابق ایاز سدھایو نامی شہری نے سٹی تھانہ میں فریاد کرتے وقت موقف اختیار کیا ہے کہ ظفر سولنگی نے اسٹیٹ ایجنسی میں پراپرٹی کا کاروبار کرنے کیلئے 5 کروڑ 50 لاکھ روپے وصول کیے مقررہ وقت پر رقم واپس کرنے کے بجائے بوگس چیک دیئے جو بینک سے کیش نہ ہوئے، مجھ سے دھوکہ کیا ہے میں نے مقدمہ درج کیا ہے، مدعی کا مزید کہنا تھا کہ پولیس مقدمے میں نامزد ایکس ای این حیسکو ظفر سولنگی کو گرفتار کرے اور رقم واپس کرواکے میرے ساتھ انصاف کیا جائے ۔
جیکب آباد، ایم پی اے کے بیٹے کی گاڑی نے دودھ فروش نوجوان کو کچل کر زخمی کردیا۔زخمی ہسپتال داخل ، ایم یی اے کی جانب سے معذرت تمام علاج کرنے کے واعدے پر ورثہ نے معاف کردیا
تفصیلات کے مطابق جیکب آباد کی تحصیل ٹھل میں رکن سندھ اسمبلی ڈاکٹر سہراب سرکی کے بیٹے واحد بخش سرکی کی گاڑی سے موٹر سائیکل کی ٹکر ہوگئی جس سے دودھ فروش نوجوان رجب بنگلانی زخمی ہوگیا، زخمی نوجوان کو تعلقہ اسپتال منتقل کیا گیا اسپتال ذرائع کے مطابق تیز رفتار گاڑی کے ٹکر کی وجہ سے دودھ فروش نوجوان کی دونوں ٹانگ ٹوٹ گئی، اسپتال میں علاج کے دوران زخمی نوجوان رجب بنگلانی نے بتایا کہ ویگو گاڑی میں ایم پی اے ڈاکٹر سہراب سرکی کا بیٹا واحد بخش سرکی سوار تھا جس کی گاڑی نے مجھے ٹکر مارا گاڑی میں سوار تمام افراد نشے میں دھت تھے، مجھے ٹکر مارنے کے بعد ایم پی اے کے بیٹے نے مجھے اسپتال پہنچانے کے بجائے مجھے ڈاکو قرار دیکر پولیس کے حوالے کیا، زخمی نوجوان کے چچا نبی بخش بنگلانی نے کہا کہ ایم پی اے کے بیٹے نے ہمارے نوجوان کو مارنے کی کوشش کی ہے، اس سلسلے میں رابطہ کرنے پر ایس ایچ او اے سیکشن اکبر کھوکھر نے صحافیوں کو بتایا کہ واقعہ ڈکیتی نہیں بلکہ حادثہ ہے مزید تفتیش کررہے ہیں، دوسری جانب ایم پی اے ڈاکٹر سہراب سرکی کے بڑے بیٹے محسن سرکی کا کہنا ہے کہ یہ لوگ گڑہی حسن سے موبائل فون چھین کر جارہے تھے کہ ٹھل میرے بھائی کی گاڑی سے ٹکراۓ جس سے نوجوان زخمی ہوگیا۔ میڈیا پر خبریں آے کے بعد ایم پی اے نے زخمی کے ورثہ سے فون پر واقع پر اظہار افسوس کیا اور تمام علاج کا خرچہ بھرنے کا کہا جس ورثہ نے تھانے صلح لکھ کرد
