موسم گرما میں آم پارٹی ہو ،یا موسم سرما میں فش پارٹی ہو،مقصد دوستو کے ساتھ مل بیٹھنا ہے،تاکہ ایک دوسرے کے دکھ سکھ کو بانٹا جا سکے،اپنوں کے ساتھ مل بیٹھنے سے خوشیاں دوبالا ہوتی ہیں،اللہ پاک کا شکر ہر حال میں ادا کرنا چاہیے،

19 جنوری 2025

اسلام آباد

موسم گرما میں آم پارٹی ہو ،یا موسم سرما میں فش پارٹی ہو،مقصد دوستو کے ساتھ مل بیٹھنا ہے،تاکہ ایک دوسرے کے دکھ سکھ کو بانٹا جا سکے،اپنوں کے ساتھ مل بیٹھنے سے خوشیاں دوبالا ہوتی ہیں،اللہ پاک کا شکر ہر حال میں ادا کرنا چاہیے،مہنگائی کے دور میں سب لوگ مشکلات سے دوچار ہیں۔اس طرح کی تقریبات کی مدد سے ایک دوسرے کے مسائل سے انسان باخبر رہتا ہے اور اس طرح سے دوسروں کی مدد کرنے میں آسانی رہتی ہے۔

نیشنل پریس کلب میں معروف مصنفہ و ہدایت کارہ محترمہ عاصمہ بٹ نے صحافیوں اور فوٹوگرافروں کے اعزاز میں فش پارٹی کا اہتمام کیا۔اس موقع پر صدر پاکستان یونین آف جرنلسٹ افضل بٹ،صدر نیشنل پریس کلب اظہر جتوئی ،سیکریٹری نئیر علی،عابد عباسی،امجد ،سہیل ملک،سینئیر صحافی شکیل اعوان،آصف بشیر ،اظہار خان نیازی،جاوید قریشی و دیگر نے کہا کہ عاصمہ بٹ ایک خوش اخلاق اور دوسروں کے دکھ سکھ میں ساتھ دینے والی خاتون ہیں،مصروفیت کے دور میں جہاں ایک دوسرے کے ساتھ مل بیٹھنے کا وقت نہیں،وہاں عاصمہ بٹ نے سب کو ایک جگہ جمع کیا،اور ایک خوبصورت تقریب کا اہتمام کیا۔عاصمہ بٹ فنکاروں اور صحافیوں کے مابین بہتر تعلقات کو استوار کرنے میں اہم کردار ادا کررہی ہیں۔یہ ہماری زندگیوں میں ایک بیش قیمت تحفہ کی مانند ہیں۔اس پر عاصمہ بٹ نے سب کا شکریہ ادا کیا اور کہا کہ فنکار اپنی اداکاری سے لوگوں کے دل جیتتے ہیں ،وہیں پر صحافی اپنے قلم کی طاقت سے معاشرے کے حقائق سامنے لاتے ہیں۔میری کوشش رہتی ہے کہ زندگی کے اتار چڑھاؤ کے دوران بھی اپنے فنکاروں اور صحافیوں کو ساتھ لے کر چلوں۔کیوں کہ زندگی آگے بڑھنے کا نام ہے۔جب ہم رک جاتے ہیں تو ہماری کامیابیاں بھی رک جاتی ہیں، پاکستان اور اپنے ارد گرد کے لوگوں کے لئے فعال کردار ادا کرنے کے لئے ہم سب کو مل کر آگے بڑھنا ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔