حکومت سندھ نے بیکار سرکاری گاڑیاں ایک ماہ کے اندر نیلام کرنے اور کراچی کے سرکاری ملازمین کے لئے ای وی گاڑیاں خریدنے کا فیصلہ کیا ہے۔

کراچی: پاکستان پیپلزپارٹی کے چیئرمین بلاول بھٹو زرداری سے سندھ حکومت میں ورکس اینڈ سروسز اور محکمہ جیل کے وزیر حاجی علی حسن زرداری نے بلاول ہاؤس میں ملاقات کی اور اپنے محکموں کی کارکردگی کے حوالے سے بریفنگ دی
===============

کراچی16 جنوری۔ حکومت سندھ نے بیکار سرکاری گاڑیاں ایک ماہ کے اندر نیلام کرنے اور کراچی کے سرکاری ملازمین کے لئے ای وی گاڑیاں خریدنے کا فیصلہ کیا ہے۔ سندھ کابینہ کی ذیلی کمیٹی برائے کفایت شعاری کا اہم اجلاس سندھ کے سینئر وزیر شرجیل انعام میمن کی زیر صدارت سندھ سیکریٹریٹ کراچی میں ہوا۔ اجلاس میں صوبائی وزیر برائے بلدیات سعید غنی، صوبائی وزیر داخلہ و قانون ضیا الحسن لنجار، صوبائی وزیر برائے جیل خانہ جات اور ورکس اینڈ سروسز علی حسن زرداری اور مختلف محکموں کے سیکریٹریز نے شرکت کی۔ اجلاس کے موقع پر کمیٹی ممبران نے سرکاری گاڑیوں کی الاٹمنٹ کو ریگولیٹ کرنے کے لیے واضح گائیڈ لائنز پر عمل کرنے کی ہدایات جاری کیں، جبکہ اجلاس میں مختلف محکموں کی سیکریٹریز نے سرکاری گاڑیوں سے متعلق دس سالہ رکارڈ پیش کیا۔اجلاس کے موقع پر بات کرتے ہوئے سندھ کے سینئر وزیر اور صوبائی وزیر برائے اطلاعات، ٹرانسپورٹ و ماس ٹرانزٹ شرجیل انعام میمن نے کہا کہ نیلامی کا عمل ایک ماہ کے اندر مکمل ہونا چاہیے تاکہ وسائل مزید ضائع نہ ہوں، اور نئی گاڑیوں کی ضرورت کو پورا کیا جا سکے، ای وی گاڑیاں خریدنے سے حکومت کو فائدہ ہوگا، پی او ایل کی بچت ہوگی، ان کی نیلامی میں بھی آسانی ہوگی۔ انہوں نے کہا کہ حکومت عوامی وسائل کے استعمال میں شفافیت اور احتساب کو یقینی بنانے کے لیے پرعزم ہے، سرکاری گاڑیوں کا غیر مجاز استعمال کرنے والوں کو سختی سے کہتے ہیں کہ حکومتی احکامات کے تحت گاڑیاں واپس کریں ، تمام متعلقہ عہدیدار اور محکمے قانونی کارروائی سے بچنے کے لیے نئی ہدایات پر عمل کریں. سینئر وزیر شرجیل انعام میمن نے کہا کہ بیکار گاڑیوں کی نیلامی پر بھی کام جاری ہے، نیلامی پوری شفافیت کے ساتھ کی جائے گی ۔ اجلاس کے موقع پر بات کرتے ہوئے صوبائی وزیر برائے بلدیات سعید غنی نے کہا کہ بیکار گاڑیوں کی بروقت نیلامی بہت اہم ہے، غیر ضروری اخراجات میں کمی لائی جا سکے گی، جن محکموں کے پاس اضافی گاڑیاں ہیں وہ اپنی ضرورت سے زیادہ گاڑیاں حکومت کو واپس کردیں۔ وزیر داخلہ و قانون ضیاالحسن لنجار نے اجلاس کے موقع پر اظہار خیال کرتے ہوئے کہا کہ بیکار گاڑیوں کی نشاندہی اور حکومتی پالیسیوں کی تعمیل کو یقینی بنانے کے لیے تیزی سے کام کیا جا رہا ہے، ہمارا مقصد عوام کا پیسہ بچانا اور ضروریات کے مطابق اخراجات کو یقینی بنانا ہے۔ اجلاس میں صوبائی وزیر برائے جیل خانہ جات اور ورکس اینڈ سروس علی حسن زرداری نے کہا کہ مکمل طور پر شفاف نیلامی کو یقینی بنایا جائے، فنڈز سے نئی گاڑیوں کہ خریداری میں مدد ملے گی۔
ہینڈآؤٹ نمبر 52۔۔۔

کراچی: پاکستان پیپلزپارٹی کے چیئرمین بلاول بھٹو زرداری سے پی پی پی کے سینئر رہنما اور سینٹرل ایگزیکٹو کمیٹی کے رکن سید قائم علی شاہ کی سید اسد علی شاہ کے ہمراہ بلاول ہاؤس میں ملاقات ہوئی جس میں سندھ کی سیاسی صورت حال پر تبادلہ خیال ہوا۔

کراچی: پاکستان پیپلزپارٹی کے چیئرمین بلاول بھٹو زرداری سے رکن سندھ اسمبلی شیرمحمد مغیری نے بلاول ہاؤس میں ملاقات کی، اس موقع پر جیکب آباد کے عوام اور ان کے مسائل کے حل کے حوالے سے بات چیت ہوئی۔

کراچی: پاکستان پیپلزپارٹی کے چیئرمین بلاول بھٹو زرداری سے پی پی پی بلوچستان کے رہنما صابر بلوچ نے بلاول ہاؤس میں ملاقات کی جس میں صوبے کی سیاسی صورت حال پر گفتگو ہوئی۔

کراچی
مور خہ 16جنوری 2025

سندھ اسپیشل گیمز 2025 اختتام پذیر،جنرل ٹرافی اور 18 گولڈ مڈلز اسپیشل چلڈرن اسکول کار ساز نے جیت لی

کراچی16 جنوری۔ سندھ حکومت کے محکمہ کھیل سندھ کی جانب سےمنعقد کردہ سندھ اسپیشل گیمز 2025 کا ایونٹ اختتام پذیرہوگیا، اختتامی تقریب کا انعقاد پاکستان اسپورٹس بورڈ کوچنگ گراؤنڈ میں کیا گیا. اس موقع پر سیکریٹری کھیل امور نوجوانان عبدالعلیم لاشاری نے بطور مہمان خصوصی شرکت کی. تقریب میں مختلف کھیلوں کے مقابلوں میں نمایاں پوزیشنز حاصل کرنے والے کھلاڑیوں میں انعامات تقسیم کیے گئے. جبکہ پہلی پوزیشن حاصل کرنے والے اسپیشل چلڈرن اسکول کار ساز نے 18 گولڈ مڈلز کے ساتھ جنرل ٹرافی جیت کر اپنے نام کرلی. اس موقع پر سیکریٹری کھیل سندھ عبدالعلیم لاشاری کا کہنا تھا کہ سندھ میں مختلف کھیلوں کا انعقاد شروع کردیا گیا ہے، اسپیشل گیمز کے ایونٹ میں کراچی کے 12 سو سے زائد خصوصی بچوں نے شرکت کی، ہماری کوشش ہے کہ اس سندھ اسپیشل گیمز کو ڈویژنل سطح پر لے جائیں،تاکہ خصوصی بچے گیمز میں حصہ لیں سکیں اور ان کی حوصلہ افزائی کی جاسکے. ان کا کہنا تھا کہ کراچی ساحل سمندر پر کل جمعہ کو بیچ گیمز کا انعقاد ہونے جارہا ہے جس میں صوبہ بھر سے ٹیمیں شرکت کریں گی، سندھ بیچ گیمز میں 8 مختلف گیمز شامل ہونگی، ہم تھر میں بھی اسپورٹس گیمز کا انعقاد کرانےجارہےہیں،وہاں جو ثقافتی کھیل ختم ہوتے جارہے ہیں ان کو اب پروموٹ کرنے جارہے ہیں تاکہ تھر کی خوبصورتی پوری دینا دیکھے. عبدالعلیم لاشاری کا کہنا تھا کہ خصوصی بچوں کو گیمز میں حصہ لینے پر ان کو مبارکباد پیش کرتا ہوں، صحت مند معاشرہ صحت مند افراد سے پروان چڑھتا ہے، اور مثبت سرگرمیوں کو فروغ ملتا ہے. اس موقع پر سندھ اسپشل گیمز میں ایتھیلیٹکس، ٹینس، ٹیبل ٹینس،ٹگ آف وار،تیکوانڈو، فٹبال، آرچری، بیڈ منٹن اور دیگر گیمز میں خصوصی بچوں نے حصہ لیا، حصہ لینے والی ایسوسی ایشن میں سوسائٹی فوب چلڈرن ان نیڈ،آف اسپیشل اٹینشن،کراچی ووکیشنل ٹریننگ سینٹر، یونیورسل ٹیکوانڈو اکیڈمی،بینائی ویلفیئر ایسوسی ایشن، اسپیشل چلڈرن اسکول کار ساز، الشفا ٹرسٹ سمیت 30 ایسوسی ایشن کو مڈلز اور انعامات سے نوازا گیا. اس موقع پر اختتامی تقریب میں سابق انٹرنیشنل اور جنوبی ایشیا کی تیز ترین خاتون کھلاڑی نسیم حمید، پارلیمانی سیکریٹری محکمہ کھیل صائمہ آغا، ڈسٹرکٹ ایسٹ اسپورٹس کے انچارج اسماعیل شاہ اور دیگر بھی موجود تھے.
ہینڈآؤٹ نمبر 51۔۔۔آئی ایس