لیاقت آباد ٹاؤن کی جانب سے بچوں میں تحائف کی تقسیم
تمام محکمے اسکو ل کے بچوں کو اعلی ٰ تدریسی عمل کے لیے ہر ممکن سہولت کی فراہمی یقینی بنائیں: کامران سراج
جماعت ااسلامی کا ویژن تعلیم کافروغ ہے۔ فراز حسیب
مورخہ 16 جنوری 2025
کراچی( ) امیر جماعت اسلامی گلبرگ کراچی وسطی کامران سراج نے چیئرمین لیاقت آباد ٹاؤن فراز حسیب کے ہمراہ مولوی عبدالحق گرلز اینڈ بوائز اسکول یونین کمیٹی نمبر4 ،بلاک 5، لیاقت آباد کا ربن کاٹ کر باقاعدہ افتتاح کیا۔ اسکو ل کے دورے کے دوران امیر جماعت اسلامی گلبرگ کراچی وسطی کامران سراج نے اسکو ل میں ایک پودا لگایا اور دعائے خیر کرائی۔دعا کے بعد منعقدہ تقریب سے خطا ب کر تے ہوئے امیر جماعت اسلامی گلبرگ کر اچی وسطی کامران سراج نے کہاا لحمدللہ سوچنے کے معیارات بدل رہے ہیں، جماعت اسلامی کراچی کے حق اور اختیارات کے لئے جدوجہد کررہی ہے اور عوامی حمایت اور تعاون سے ہم لیاقت آباد ٹاون اور کراچی کی تعمیر کریں گے۔ اس موقع پر امیر جماعت اسلامی گلبرگ نے چئیر مین لیاقت آباد ٹاؤن فراز حسیب کے ہمر اہ بچوں میں لیپ ٹاپ، اسکول بیگز، جیومیٹری باکس، اسمارٹ واچ و دیگر تحائف بھی تقسیم کیئے جس پر بچوں نے بے انتہا خوشی کا اظہار کیا اور اس عمل کو سراہا۔ امیر جماعت اسلامی گلبرگ کامران سراج نے لیاقت آباد ٹاؤن ایجوکیشن ڈیپارٹمنٹ کے ڈائر یکٹرز، ڈپٹی ڈائر یکٹرز، اساتذہ و دیگر اسٹاف کو مخاطب کر تے ہوئے کہا کہ اب یہ آپ کی ذمہ داری ہے کہ اسکول کے بچوں کو اعلی ٰ تدریسی عمل کے لیے ہر سہولت فراہم کر یں تا کہ بچے دل لگا کر تعلیم پر توجہ دیں اور اس اسکو ل و لیاقت آباد ٹاؤن کا نام روشن کر یں۔تقریب سے چیئرمین لیاقت آباد ٹاؤن فراز حسیب نے خطاب کر تے ہوئے کہا کہ جماعت اسلامی کا وژن ہے کہ لیاقت آ باد ٹاؤن کے اسکولوں کا تعلیمی معیار بہتر کریں۔ یہاں کہ طلبا وطالبات کو بہترین تعلیمی ماحول فراہم کریں۔ ہمارے زیر انتظام 26 اسکول ہیں ہماری کوشش ہے ان اسکولوں میں بہترین تعلیم فراہم کی جائے ا نہوں نے مزید کہا کہ پچھلے 30 سالوں میں جو لیاقت آباد کی پہچان بنا دی گئی ہماری کوشش ہے کہ اس کو تبدیل کیا جائے، 24 سال پہلے یہاں کے لوگ پڑھے لکھے کہلائے جاتے تھے لیکن لیاقت آباد کی پہچان کو یکسر بدل دیا گیا۔ ہم ایک بار پھر لیاقت آباد کو اس کی اصل پہچان یعنی پڑھا لکھا لیاقت آبادبنا ئیں گے۔ اس موقع پر چیئرمین لیاقت آباد ٹاؤن فراز حسیب نے وائس چئیر مین اسحاق تیموری اور یوسی چئیر مین عبید احمد خان کی تعلیمی سرگرمیوں کے لیے عملی کوششوں کو سراہا اور ان کی کاوشوں کی بھر پو ر ستائش کی۔اس کے علاوہ انہوں نے کہا کے لیاقت آباد ٹاؤن کے دیگر تمام محکمے بھی عوامی خدمت اور بلدیاتی سہولتوں کی فراہمی کے لئے بھر پور طریقے سے مصروف عمل ہیں تاکہ عوام کو زیادہ سے زیادہ سہولہتیں فراہم کی جاسکیں ” خصوصاً تعلیم کے شعبے میں “۔
جاری کردہ؛
فہیم مصطفی
ڈایئریکٹر انفارمیشن
لیاقت آباد ٹاؤن
