ملازمین کی حوصلہ افزائی اور ان کی خدمات کا اعتراف کرناان کا حق ہے : سید محمد مظفر
محفل مشاعرہ کے انعقاد کا مقصد اپنی روایت اور ادبی تہذیب کی تجدید کرنا تھا: نعمان صدیقی
مورخہ: 13 جنوری 2025
کراچی ( ) ناظم آباد ٹاون کی جانب سے عیدگاہ گراونڈناظم آباد میں شاندار محفل مشاعرہ اور گل داودی کے انعقاد پر چیئرمین ناظم آباد ٹاون سید محمد مظفر اور وائس چیئرمین نعمان صدیقی کی جانب سے ٹاون کے افسران و عملے کو ان کی خدمات کے اعتراف کے حوالے سے تقریب کا انعقاد، اس موقع پر منتظم مشاعرہ عرفان معطر، ڈائریکٹر سینی ٹیشن ظہیر احمد، ڈائریکٹر پارکس آصف حسین،ڈپٹی ڈائریکٹر ایڈمنسٹریشن عماد، ڈپٹی ڈائریکٹراسپورٹس اینڈ کلچر راشد ہاشمی، انچارج اینٹی انکروچمن، راشد کمال، انچارج ریسکیو عارف، محکمہ پارکس کے انتخاب، و دیگر افسران و عملے کو ان کی بہترین خدمات کے اعتراف میں اعزازی شیلڈ دی گئیں، اس موقع پرچیئرمین ناظم آباد ٹاون سید محمد مظفر نے گفتگو کرتے ہوئے کہا کہ مشاعرہ ناظم آبادکی روایت رہا ہے، ناظم آباد میں عالمی مشاعرے ہوتے رہے ہیں ہم نے مشاعر کا انعقاد کرکے اس روایت کی تجدید کی ہے، عوام نے اس مشاعرے کو پسند کیا جس کا ثبوت عوام کی بھر پور شرکت تھی، اس مشاعرے کی گونج نہ صرف پاکستان میں بلکہ پاکستان سے
باہر بھی سنائی دی گئی ہے، اس مشاعرے کے ساتھ گل داودی کی نمائش نے اس پروگرام کو مزید خوبصورت کر دیا، اس بہترین پروگرام کے انعقاد کے سلسلے میں ہمارے ٹاون کے افسران و عملے نے دن رات محنت کی، ہم سمجھتے ہیں کہ یہ ملازمین کا حق تھا کہ ان کی کی حوصلہ افزائی کی جائے ان کی خدمات کو سراہا جائے،اس سلسلے میں آج کی تقریب میں ان افسران و ملازمین کو اعزازی شیلڈ دی گئیں،وائس چیئرمین ناظم آباد ٹاون نعمان صدیقی نے کہا کہ ادبی محفلیں مشاعرے ناظم آباد کی روایت رہی ہیں، ناظم آباد میں عالمی شہرت یافتہ ادیب، شعرا، اور دانشور رہا کرتے تھے، اس محفل کو سجانے کا مقصد اپنی روایت اور ادبی تہذیب کی تجدید کرنا تھا، اس خوبصورت محفل کو سجانے کے لئے ٹاون کے افسران و ملازمین نے انتھک محنت کی ان کی حوصلہ افزائی اور ان کی خدمات کا اعتراف کرنا ضروری ہے، اس موقع پر افسران کی جانب سے چیئرمین ناظم آباد ٹاون سید محمد مظفر اور وائس چیئرمین نعمان صدیقی کو بھی تحائف پیش کئے گئے۔
فہیم مصطفی
ڈائریکٹر انفارمیشن
