Report Sabih Salik
ٹریفک جام اب ہماری زندگی کا حصہ بن چکا ہے اور ائے دن ہم کسی نہ کسی ٹریفک جام میں پھنسے رہتے ہیں لیکن کیا ہو اگر اپ کو پتہ چلے کہ دنیا میں ایک ایسا ٹریفک جام بھی ہوا تھا جو 12 دن تک چلا۔
تاریخ میں دنیا کا سب سے طویل ٹریفک جام چین میں ہوا تھا۔
یہ ٹریفک جام چائنا نیشنل ہائی وے 110 پر پیش آیا۔ گاڑیوں کی قطاریں 100 کلومیٹر (62 میل) طویل تھیں اور یہ ٹریفک جام 12 دن تک جاری رہا تھا جس کے آس پاس عارضی آبادیاں قائم ہوگئی تھی۔
یہ واقعہ 14 اگست 2010 کا ہے اور اس میں چین کے دارالحکومت بیجنگ سے تبت جانے والے مسافر شامل تھے۔
ہائی وے پر کوئلوں کی بڑے پیمانے پر نقل و حمل جاری تھی۔
سڑک پر جاری کام نے بھی ٹریفک کی گنجائش کو محدود کردیا تھا۔
ہائی وے پر ٹرکوں کی بڑی مقدار موجود تھی جو بیجنگ سے ہوتے ہوئے چین کی دیگر بندرگاہوں تک پہنچنے کے لیے سفر کر رہے تھے۔
اس دوران ہائی وے پر کئی گاڑیاں بھی خراب کھڑی ہوئیں تھیں۔
پھنسے ہوئے لوگوں کے لیے یہ دورانیہ کسی عذاب سے کم نہ تھا۔ کچھ گاڑیاں پورے 24 گھنٹوں میں صرف 1 کلو میٹر سفر کرپاتی تھیں۔ لوگوں نے یہ 12 دن اپنی گاڑیوں میں سو کر اور کھا پی کر گزارے۔
