کوئٹہ26 دسمبر :ـوزیر اعلٰی بلوچستان میر سرفراز بگٹی نے شہید جمہوریت محترمہ بینظیر بھٹو کی 17 ویں برسی کے موقع پر اپنے ایک پیغام میں کہا ہے کہ شہید محترمہ بینظیر بھٹو نے اپنی جان کا نذرانہ پیش کرکے جمہوریت کی آبیاری کی اور ہر قسم کے ظلم و جبر کا دلیرانہ مقابلہ کیا ، محترمہ بینظیر بھٹو حقیقی معنوں میں چاروں صوبوں سمیت ملک کی مقبول ترین ہردلعزیز سیاسی شخصیت تھیں بلوچستان کے لوگوں سے ان کا دلی لگاو تھا ، محترمہ بینظیر بھٹو کے مشن کو جاری رکھ کر عوام کی فلاح و بہبود کے تسلسل کا عزم کرتے ہیں ، میر سرفراز بگٹی نے کہا کہ تعلیم ، صحت ، معاشی ترقی اور انسانی حقوق کے لئے شہید جمہوریت کی جدوجہد تاریخ کا حصہ ہے پاکستان کی خواتین
میں سیاسی شعور عزم و ہمت کا راستہ محترمہ بینظیر بھٹو نے ہی دکھایا ان کی جرات اور بصیرت آج بھی ہمیں متحد و منظم رہنے کا درس دیتی ہے وزیر اعلٰی بلوچستان نے کہا کہ بینظیر بھٹو اسکالرشپ، بینظیر کسان کارڈ، بینظیر ائیر ایمبولینس سمیت محترمہ سے منسوب بلوچستان کے تمام فلاحی منصوبے شہید کے خواب کی تکمیل کا مظہر ہیں ان کی 17 ویں برسی کے موقع پر ہم اس پختہ عزم کا اعادہ کرتے ہیں
کہ شہید محترمہ بینظیر بھٹو کے خواب کو حقیقت میں بدلنے کے لیے اپنے تمام وسائل بروئے کار لائیں گے.
خبرنامہ نمبر 2024/8058
کراچی26 دسمبر :ـوزیر اعلیٰ بلوچستان میر سرفراز بگٹی جمعرات کو سینٹر میر عبدالقدوس بزنجو اور صوبائی وزیر زراعت میر علی حسن زہری کے ہمراہ نجی اسپتال پہنچے جہاں انہوں نے زیر علاج قبائلی رہنماء وڈیرہ جمال خان کلپر کی عیادت اور مزاج پرسی کی ،اس موقع پر وزیر اعلٰی بلوچستان نے وڈیرہ جمال خان کلپر کی صحت یابی کیلئے دعا اور نیک خواہشات کا اظہار کیا۔
خبرنامہ نمبر 2024/8059
کوئٹہ 27 دسمبر:۔ہائی کورٹ بلوچستان کے حکم اور کمشنر کوئٹہ ڈویژن حمزہ شفقات کی ہدایت سیکرٹری آر ٹی اے کوئٹہ محمد علی درانی اور ایس پی ٹریفک پولیس سٹی میڈم شبانہ کی نگرانی میں ریلوے اسٹیشن ذرغون روڈ اور سپنی روڈ سی پیک چوک پر غیرقانونی رکشوں کے خلاف کارروائی کی گئی اس موقع پر 14غیر قانونی اور دو نمبر رکشے قبضے میں لے کر بند کردیئے ۔اس موقع پر ٹریفک قوانین کی خلاف ورزی پر 57 رکشوں کو چالان کئے۔ کارروائی میں آر ٹی اے کوئٹہ اور ٹریفک پولیس کے عملے موجود تھے۔اس موقع پر سیکرٹری آر ٹی اے کوئٹہ محمد علی درانی نے کہا کہ شہر میں ٹریفک کے نظام کی بہتری کے لیے غیر قانونی رکشوں اور موٹر سائیکل ٹرالیوں سے چھٹکارا ضروری ہے لہذا غیر قانونی اور دونمبر رکشوں اور موٹر سائیکل ٹرالیوں کے خلاف روزانہ کی بنیاد پر شہر کے مختلف علاقوں میں کاروائی عمل میں لائی جا رہی ہے۔انہوں نے کہاکہ کوئٹہ شہر میں غیر قانونی رکشوں کے خلاف کارروائی کے علاؤہ شہر کے داخلی چیک پوسٹ پر رکشوں اور موٹر سائیکل ٹرالیوں لینے پر پابندی ہے۔لہذا اس حوالے سے کوئٹہ سے غیر قانونی رکشوں ور ٹرالیوں کو دیگر اضلاع منتقل کریں اگر کوئی گاڈی رکشہ لینے میں ملوث پایا گیا تو اس ہے خلاف بھی کارروائی ہوگی۔انہوں نے کہاکہ شہر میں ٹریفک نظام میں بہتری اور ٹریفک لائسنسنگ اور پرمٹ کے ذریعے حکومت کے لیے آمدنی میں اضافہ ہوگا ۔انہوں نے کہا کہ شہر میں جاری کریک ڈاؤن سے قانونی رکشہ ڈرائیوروں اور مالکان کے لیے معاونت ثابت ہوگی جب کہ غیر قانونی رکشہ ڈرائیوروں کی نقل مکانی ختم اور مسافروں کے لیے ذائد کرایوں دینے سے چھٹکارا ملے گا۔انہوں نے کہاکہ کوئٹہ میں غیر قانونی رکشوں کے خلاف کریک ڈاؤن ایک پیچیدہ مسئلہ ہے اس سلسلے میں تمام اسٹیک ہولڈرز کی ضروریات کو مدنظر رکھ کر ایک متوازن اور جامع منصوبہ بندی کی ضرورت ہے۔انہوں نے کہاکہ شہر میں غیرقانونی رکشوں اور موٹر سائیکل ٹرالیوں کے خلاف کریک ڈاؤن آئندہ بھی جاری رہے گا لہذا رکشہ مالکان حکام سے تعاون کو یقینی بنائیں۔
