شکاگو کے سینئر شاعر ڈاکٹر توفیق انصاری احمد نے مشاعرے کی صدارت کی
ممتاز شاعر عابد رشید کے نعتیہ مجموعے “خیرالانام” پر گفتگو کی گئی
سخنور شکاگو ، حریمِ نعت کا نعتیہ مشاعرہ اتوار 24 نومبر کو گلینسائڈ لائبریری ہال ، گلینڈیل ہائٹس میں منعقد ہوا
امریکہ کے بہت سے ممتاز شعرائے کرام نے شرکت کی اور حمد و نعت پیش کرنے کی سعادت حاصل کی۔ شکاگو شہر کے ممتاز نعت خواں حضرات نے نہایت خوش الہانی سے نعتیں سنائیں۔
مشاعرے کی صدارت شکاگو کے سینئر شاعر ڈاکٹر توفیق انصاری احمد نے کی۔
شکاگو کے ممتاز شاعر عابد رشید کے نئے حمد و نعت کے مجموعے “خیرالانام” پر بھی گفتگو ہوئی۔ خیرالانام کی باقاعدہ تقریبِ پزیرائی اپریل ۲۰۲۵ میں حریمِ نعت کی دوسری عالمی ادبی نعت کانفرنس میں ہوگی۔
نعتیہ مشاعرے کے منتظم سخنور شکاگو اور حریمِ نعت کے روحِ رواں بانی صدر عابد رشید تھے۔ مشاعرے کی نظامت طاہرہ ردا اور خاور حسین نے کی۔
شکاگو کے شعر و ادب کے شائقین کی بڑی تعداد نے اس پروگرام میں شرکت کی۔
تقریب کا آغاز تلاوتِ کلامِ پاک سے ہوا۔
مشاعرے کے شروع میں میں ممتاز نعت خواں راشد حسان نے نعت ہیش کی۔ ساجدہ کاظمی اور غلام مصطفٰے انجم نے بھی خوبصورت لہن میں کلام پیش کیا۔ شعرائے کرام نے نے اپنا نعتیہ ، حمدیہ کلام بحضورِ سرورِ کائنات پیش کیا اور سامعین نے کھل کر داد دی۔
جن شعرائے کرام نے اس مشاعرے میں کلام سنایا ان کے نام درجِ ذیل ہیں۔
ڈاکٹر توفیق انصاری احمد ، راشد نور ، ڈاکٹر منیرالزماں منیر، ڈاکٹر سلیم تورانیہ ، غلام مصطفٰے انجم ، رشید شیخ ، عابد رشید ، محبوب علی خان ، ڈاکٹر افضال الرحمٰن افسر ، ریاض نیازی ، طاہرہ ردا ، سیما عابدی ، عبدالرحمن سلیم آرکیٹیکٹ ، سید عالم، سید شہاب الدین ، راز رنگونی اور خاور حسین۔ محسن علی خان نے سلام بحضورِ سرورِ کائناتٌ پیش کیا اور دعا کی گئی۔
حریمِ نعت ایک عالمی تقدیسی ادب کی تنظیم ہے۔ سخنور شکاگو اور حریمِ نعت کے مشاعروں میں دنیا بھر سے ممتاز شعرائے کرام شرکت کر چکے۔ سخنور شکاگو اور حریمِ نعت اپنے معیاری اور منظم مشاعروں کی وجہ سے دنیا بھر میں ایک نمایاں مقام رکھتے ہیں۔
پروگرام کے دوران پرتکلف ریفریشمنٹ پیش کیا گیا، اور چائے کا سلسلہ چلتا رہا۔ پروگرام کے آخر میں ایک گروپ فوٹو کے ساتھ ایک خوبصورت اور مقدس پروگرام نہایت خوشگوار یادوں کے ساتھ اختتام پزیر ہوا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جو خواتین و حضرات اس مشاعرے کے بارے میں مزیدُ معلومات چاہتے ہیں وہ درج ذیل ای میل پر رابطہ کر سکتے ہیں
Sukhanwarchicago@gmail.com
Ph: 630-847-6175
سامعین اس مشاعرہ کی رکارڈنگ Facebook اور YouTube پر دیکھ سکیں گے۰ فیس بک پر یہ مشاعرہ Sukhanwar Chicago کے Page پر پوسٹ کیا جائے گا۰ یوٹیوب پر اسے Sukhanwar Chicago کے چینل پر نشر کیا جائے گا۰
