علی الصباح بانگ دینا مرغ کی فطرت میں شامل ہے لیکن ایک شخص اپنے پڑوسی کے مرغے کی اس عادت سے مجبور ہوکر حیرت انگیز قدم اٹھانے پر مجبور ہو گیا۔
غیر ملکی میڈیا کے مطابق برطانیہ میں مرغ کے علی الصباح بانگ دینے پر پڑوسی نے حیرت انگیز قدم اٹھاتے ہوئے عدالت کا دروازہ کھٹکھٹا دیا جو مرغے کے مالک کو بہت مہنگا پڑ گیا۔
رپورٹ کے مطابق عدالت نے مرغ کے شور سے متعلق درخواست پر غور کرتے ہوئے اس کے مال پر 200 پاؤنڈ کا جرمانہ کر دیا۔ اس کے پڑوسیوں نے عدالت میں شکایت کی تھی کہ مرغا رات کے تین بجے بھی بانگ دیتا ہے، جس سے ان کی نیند خراب ہوتی ہے۔
واضح رہے کہ اس سے قبل بھی مختلف ممالک میں مرغ کے بانگ دینے کا معاملہ عدالتوں میں پہنچا گزشتہ دنوں کراچی میں بھی پڑوسی کی مرغیوں کے شور سے تنگ آکر عدالت پہنچ گئی تھی۔
تاہم اس شکایت پر عدالت کا مرغ مالک پر اتنا بھاری جرمانہ 200 برطانوی پاؤنڈ (پاکستانی لگ بھگ 70 ہزار روپے) پہلی مرتبہ عائد کیا گیا ہے۔
