لاہور (جنرل رپورٹر) پاکستانی نژاد امریکی سنگر فیصل اختر اور نامور موسیقار اور سُریلے سنگر احمد جہاں زیب کا نیا سونگ ’’دُور‘‘ دُنیا بھر میں ریلیز کردیا گیا۔سونگ کی موسیقی احمد جہاں زیب نے ترتیب دی ہے، جن کا حال ہی میں سپر ہٹ سونگ ’’تیرا میرا پیار ہے امر، نے مقبولیت کے ساتویں آسمان کو چُھوا ہے۔ پاکستانی نژاد امریکی سنگر فیصل اختر نے میڈیا سے گفتگو کرتے ہوئے بتایا کہ ہمارے نئے رومانس سے بھرپور سونگ کی شوٹنگ امریکا،استیبول اور پاکستان میں ہوئی ہے۔ گانے کا رسپانس بہت شاندارآیا ہے۔امریکا میں پاکستانی موسیقی اور گلوکاروں کی بہت مانگ ہے۔
احمد جہاں زیب نے اس سونگ کی نہ صرف موسیقی ترتیب دی ہے، بلکہ انہوں نے میرے ساتھ ڈوئیٹ گایا بھی ہے۔ یہ ان کا پیار ہے۔ گانے کی وڈیو بناتے وقت ہم نے انٹرنیشنل معیار کا خاص خیال رکھا گیا ہے۔ فیصل اختر کا مزید کہنا تھا کہ ہم نے کوشش کی ہے کہ امریکا میں پاکستانی موسیقی کے حُسن میں اضافہ ہو۔ یہاں موسیقی کے دیوانے بڑی تعداد میں موجود ہیں۔ عاطف اسلم اور راحت فتح علی خان کے کنسرٹ میں بھی بڑی تعداد میں شرکت کرتے ہیں۔ امید ہے ہمارا نیا سونگ ’’دُور‘‘ بھی ہمارے دیگر گیتوں کی طرح کامیابی حاصل کرے گا۔
