لاہور(جنرل رپورٹر)معروف قوال گروپ بدر علی بہادر علی خاں
17 واں انٹرنیشنل سماع فیسٹیول مصر میں شرکت کر کے پاکستان واپس پہنچ گئے قوال گروپ کی شاندار پرفارمنس سے شرکاء سے خوب داد وصول کی تفصیلات کے مطابق مصر کے شہر قاہرہ میں منعقدہ انٹرنیشنل سماع فیسٹیول منعقد کیا گیا جہاں دنیا بھر سے فنکاروں نے شرکت کی جبکہ پاکستان سے نامور قوال گروپ بدر علی بہادر علی خاں نے شرکت کی فیسٹیول میں پاکستان سمیت مختلف ممالک سے 30 طائفوں نے شرکت کی روحانی موسیقی اورمحفل سماع کی رونق کو دوبالا کردیاپاکستان کے قوالوں نے انٹرنیشنل سماع فیسٹیول کی افتتاحی تقریب کے دوران اپنی دلکش پرفارمنس کے ذریعے سامعین کی ایک بڑی تعداد کو مسحور کرتے ہوئے سماں باندھ دیا ۔
روحانی موسیقی بالخصوص قوالی کا ذوق رکھنے والے فیسٹیول کے شرکا نے پاکستانی قوال گروپ کو زبردست انداز میں سراہتے ہوئے دوبارہ پرفارمنس پیش کرنے کی فرمائش کی، جس پر حاضرین سر دھنتے رہے اور ان پر وجد کی کیفیت طاری رہی چھ روزہ بین الاقوامی سماع فیسٹیول برائے روحانی موسیقی میں پاکستان، الجزائر، مراکش، یونان، تیونس، رومانیہ، قزاخستان، جبوتی اور انڈونیشیا کے طائفے شامل تھے،اس کے علاوہ فیسٹیول میں مصر میں مقیم شامی بینڈز نے بھی خصوصی شرکت کی ہے ۔اس فیسٹیول کی نمایاں سرگرمیوں میں نبی کریم صلی اللہ علیہ وسلم کے یوم ولادت کی مناسبت سے ایک بڑی بین الاقوامی تقریب بھی شامل تھی فیسٹیول کا مقصد بین المذاہب ہم آہنگی کے ساتھ ساتھ دنیا کے لوگوں کی مختلف ثقافتوں کے درمیان ثقافتی اور انسانی روابط کو فروغ دینا ہے میڈیا سے گفتگو کرتے ہوئے قوال بدر علی بہادر علی خاں نے کہا کہ انٹرنیشنل میوزک فیسٹیول میں پرفامنس کا خوشگوار تجربہ رہا اس سے قبل بھی مصر میں پرفارم کر چکے ہیی جہاں وہاں مقیم پاکستانیوں سمیت دیگر ممالک سے شرکاء سے خوب داد حاصل ہوئی پاکستانی ایمبیسی کے تعاون سے فیسٹیول کے علاوہ دیگر تقریبات میں بھی پرفارمنس کا مظاہرہ کیا ہے-
