عدت نکاح کیس میں عمران خان اور بشریٰ بی بی کی سزاؤں کے خلاف اپیلیں مسترد ہونے پر پاکستان تحریک انصاف (پی ٹی آئی) کے مشتعل کارکنان نے ڈسٹرکٹ کورٹ کے باہر عمر ایوب خان اور سینیٹر فیصل جاوید خان کو گھیر لیا۔
قومی اسمبلی میں قائد حزب اختلاف عمر ایوب اور سینیٹر فیصل جاوید احاطہ عدالت سے باہر آئے تو ان کے چہرے اترے ہوئے تھے اور ان پر پریشانی نمایاں تھی۔
احاطہ عدالت سے باہر آتے ہی سینیٹر اعظم سواتی نے ان رہنماؤں سے راستے جدا کر لیے اور سڑک پر جا کر کارکنان کے ساتھ کھڑے ہو کر نعرے لگانے شروع کر دیے۔
عمر ایوب کی جانب سے میڈیا سے گفتگو میں فیصلہ ہائی کورٹ میں چیلنج کرنے کا اعلان تو کیا گیا، لیکن ان کی گفتگو کے دوران ہی وہاں موجود کارکنان، جن میں بیشتر کا تعلق خیبرپختونخوا سے تھا وہ ہتھے سے اکھڑ گئے۔
کارکنان نے اپنی قیادت کو سڑکوں پر نہ آنے کے طعنے دیے اور بار بار مطالبہ کیا کہ گھر جانے کے بجائے دھرنے کا اعلان کیا جائے۔
پی ٹی آئی کے کارکنان نے قیادت سے احتجاج کی کال دینے کا مطالبہ کر دیا۔
کارکنان نے عمر ایوب کو گھیر کر سوال کیا کہ احتجاج کی کال کیوں نہیں دے رہے؟ اس دوران عمر ایوب اور پی ٹی آئی کارکنان میں دھکم پیل بھی ہوئی۔
کارکنان نے کہا کہ عمران خان کو کچھ ہوا تو قیادت کو نہیں چھوڑیں گے، تم لوگوں نے بزدلی کی ہے، تم لوگ احتجاج کی کال کیوں نہیں دے رہے۔
بیرسٹر گوہر کا اراکین اسمبلی اور ٹکٹ ہولڈرز پر اظہار برہمی، پارٹی اجلاس کی اندرونی کہانی سامنے آگئی
اپوزیشن لیڈر بمشکل سرکاری گاڑی میں کارکنان کو چکما دے کر نکل پائے۔
کارکنان نے مطالبہ کیا کہ عمر ایوب بانی پی ٹی آئی اور بشری بی بی کی رہائی کے لیے احتجاج کی کال دیں۔
UMAR AYUB
IDDAT NIKAH CASE
==================================
عمرایوب نے پارٹی سیکریٹری جنرل کے عہدے سے استعفیٰ دے دیا
استعفیٰ قبول کرنے پر عمران خان کا مشکور ہوں، عمر ایوب
پاکستان تحریک انصاف کے جنرل سیکرٹری عمرایوب نے پارٹی سیکریٹری جنرل کےعہدے سے استعفیٰ دے دیا۔
عمر ایوب اپنے عہدے سے ماستعفیٰ دینے کی اطلاع سوشل پلیٹ فارم ایکس پر اپنے آفیشل ہینڈل سے پوسٹ کی۔
عمر ایوب نے کہا کہ استعفیٰ قبول کرنے پر عمران خان کا مشکور ہوں، تنظیمی ڈھانچے میں مزیدتبدیلیاں کی جائیں گی۔
انہوں نے پی ٹی آئی کے بانی عمران خان کے نام خط بھی ایکس پر پوسٹ کیا۔
خط میں عمر ایوب نے لکھا کہ مئی 2023 سے پی ٹی آئی کے سیکرٹری جنرل کے طور پر خدمات انجام دینا باعث اعزاز رہا، بےحد مشکور ہوں کہ آپ نے مجھ پر اعتماد کیا، پاکستان کی سب سے بڑی سیاسی جماعت کے سیکرٹری جنرل کی حیثیت سے خدمات کا موقع دیا گیا۔
واضح رہے کہ عمرایوب چیئرمین فنانس بورڈ پی ٹی آئی کےعہدے پر اپنی خدمات انجام دے رہے تھے ۔
RESIGNATION
UMAR AYUB
PAKISTAN TEHREEK INSAF (PTI)
