پاکستان میں 3 الیکٹرک گاڑیاں لانچ کرنے کی تیاری – فارچونر بھول جائیں

ماسٹر چنگن موٹرز لمیٹڈ (ایم سی ایم ایل ) نے آئندہ چند ماہ میں پاکستان میں اپنا پہلا الیکٹرک گاڑیوں کا برانڈ – دیپال ( S07 SUV and L07 Sedan ) متعارف کرانے کی تیاریاں مکمل کرلیں۔

ذرائع کے مطابق اگرچہ کمپنی نے اس کی تصدیق یا تردید نہیں کی تاہم ایک اعلیٰ عہدیدار نے ماڈل ظاہر کیے بغیر اس بات کی تصدیق کی کہ کمپنی ایک الیکٹرک وہیکل لانچ کرنے کی تیاریوں میں مصروف ہے ۔

ویسٹ اوشین پلان کے تحت چنگن نے مختلف کسٹمر گروپس اوتا، دیپال اور نیوو کے لیے ای وی کے 3 نئے برانڈز متعارف کرائے ہیں۔

ایم سی ایم ایل ڈائریکٹر سیلز اینڈ مارکیٹنگ سید شبیر الدین نے بزنس ریکارڈر کو بتایا کہ کمپنی جلد ہی پاکستان میں الیکٹرک گاڑیوں کے ان برانڈز میں سے ایک متعارف کرانے کا ارادہ رکھتی ہے۔

اس معاملے سے باخبر ذرائع نے انکشاف کیا کہ ایم سی ایم ایل دیپال S07 کو متعارف کرانے کے قریب ہے، ایک درمیانے سائز کی کراس اوور SUV اور ایک فاسٹ بیک اسپورٹس سیڈان جسے چنگن کی الیکٹرک گاڑی کی ذیلی کمپنی دیپال نے تیار کیا ہے۔

چنگن نے ہوائی اور سی اے ٹی ایل کے ساتھ مشترکہ طور پر اپنا پہلا ای وی پلیٹ فارم تیار کیا ہے اور حال ہی میں تھائی لینڈ میں Deepal L07 سیڈان اور Deepal S07 SUV لانچ کی ہے جو کہ پاکستان کی طرح رائٹ ہینڈ ڈرائیو مارکیٹ ہے۔

سید شبیرالدین نے ای وی کی صلاحیت کے بارے میں امید کا اظہار کرتے ہوئے کہا کہ ای وی کی ترقی کی صلاحیت بہت زیادہ ہے، تاہم آٹو انڈسٹری کے ماہرین اس کا ادراک کرنے میں ناکام رہے ہیں۔

انہوں نے تین اہم نکات پر روشنی ڈالی ،نوجوانوں کی بڑھتی آبادی کیلئے کاروں کی ضرورت، سال 2030 تک 360,000 تک کی اضافی طلب کا تخمینہ اور ای وی بیٹری کی لاگت میں کمی جو139 ڈالر کے ڈبلیو ایچ سے نیچے آچکی ہے اور توقع ہے کہ سال 2027 تک یہ 99 ڈالر کے ڈبلیو ایچ تک کم ہوجائیگی جس سے عالمی سطح پر ای وی کاروں کی طلب میں اضافہ متوقع ہے ۔

تاہم، شبیر الدین نے پاکستان میں ای وی کو درپیش چیلنجوں کی نشاندہی بھی کی، بشمول آٹو پالیسی میں بیٹری کی گنجائش کے لحاظ سے ای وی کی درجہ بندی جو صرف50 کے ڈبلیو ایچ سے کم بیٹری کی صلاحیت رکھنے والوں کو ترغیب دیتی ہے ۔ چارجنگ اسٹیشنوں پر فروخت کی قیمت کا ضابطہ جس میں مجموعی مارجن کم ہوتا ہے جس کے نتیجے میں چارجنگ انفرااسٹرکچر میں سرمایہ کاری ناقابل عمل ہوجاتی ہے۔
https://www.aaj.tv/news/30384966/
ELECTRIC CAR

CHINA PAKISTAN

ELECTRIC CARD
==========================

سوزوکی، ٹویوٹا، ہونڈا اور کِیا کے بعد چینی کارساز کمپنی چنگان نے بھی اپنی ایس یو وی ”اوشان X7“ کی قیمت میں بڑی کمی کا اعلان کردیا ہے، لیکن قمیتوں میں یہ کمی محدود مدت کیلئے ہے۔

چنگان نے اوشا ایکس 7 کی قیمتیں 4 لاکھ روپے تک گرادی ہیں۔

کِیا کے بعد سوزوکی نے بھی اپنی گاڑیوں کی قیمت لاکھوں روپے گرا دی

اب اس ایس یو وی کے ”کمفرٹ“ ویرئینٹ کی نئی قیمت 79 لاکھ 99 ہزار روپے ہوگئی ہے جو کہ پہلے 82 لاکھ 99 ہزارو روپے تھی، کمفرٹ کی قیمت میں ڈھائی لاکھ روپے کی کمی دیکھی گئی ہے۔

پاکستان میں گاڑیوں کی قیمتیں اچانک کم کیوں ہونے لگیں؟

اسی طرح ”ایکس 7“ کے ”فیوچر سینس“ ویریئنٹ کی قیمت چار لاکھ روپے نیچے آنے کے بعد 85 لاکھ 49 ہزار روپے ہوگئی ہے جو کہ پہلے 89 لاکھ 49 ہزار روپے تھی۔

دیگر کار ساز اداروں کے برعکس،اوشان ایکس 7 کی حالیہ پیشکش 4 مئی سے 15 جون 2024 تک ہے۔
https://www.aaj.tv/news/30384943/

CHANGAN OSHAN X7

OSHAN X7 PRICE DROP

OSHAN X7 NEW PRICE