عائزہ خان ’مبشرہ جعفر سے ماہ نور‘ بن گئیں

شوبز انڈسٹری کی معروف اداکارہ عائزہ خان ’مبشرہ جعفر سے ماہ نور‘ بن گئی ہیں جس کی ویڈیو وائرل ہوگئی۔

فوٹو اور ویڈیو شیئرنگ ایپ انسٹاگرام پر اداکارہ عائزہ خان نے ویڈیو شیئر کی جس میں انہیں ’مبشرہ جعفر‘ سے ’ماہ نور‘ کا روپ دھارتے دیکھا جاسکتا ہے۔

عائزہ خان ویڈیو شیئر کرتے ہوئے کیپشن میں لکھا کہ ’اب ہم مبشرہ جعفر کے غضب سے ماہ نور کی مہربانی اور محبت کرنے والی فطرت کی طرف منتقل ہوگئے ہیں۔‘

انہوں نے جانِ جہاں کا ہیش ٹیگ استعمال کیا اور ساتھ ہی لکھا کہ الٹی گنتی شروع ہوگئی۔

واضح رہے کہ حمزہ علی عباسی اور عائزہ خان اے آر وائی ڈیجیٹل کے ڈرامہ سیریل ’جانِ جہاں‘ میں اداکاری کے جوہر دکھائیں گے جس کی پہلی جھلک جاری کردی گئی ہے۔

جانِ جہاں کی ہدایت کاری کے فرائض قاسم علی مرید نے انجام دیے ہیں جبکہ اس کی کہانی ردا بلال نے لکھی ہے۔

پہلی جھلک میں حمزہ علی عباسی کو عالیشان گھر میں دکھایا گیا ہے اور پھر وہ پلیٹ فارم پر چل رہے ہوتے ہیں اور ایک جگہ وہ عائزہ خان کا ہاتھ تھامے ہوئے ہیں۔

حمزہ علی عباسی شعر پڑھتے ہیں جس کے بول کچھ یوں ہیں، ’تجھے اشکوں میں چھپایا ہے اب تک، تجھے پلکوں پر بٹھانا باقی ہے، کسی آیت کی طرح اے جان جہاں تجھے آنکھوں سے لگانا باقی ہے۔‘

واضح رہے کہ حمزہ علی عباسی اور عائزہ خان اس سے قبل اے آر وائی ڈیجیٹل کے بلاک بسٹر ڈرامہ سیریل ’پیارے افضل‘ میں مرکزی کردار نبھا چکے ہیں۔
https://urdu.arynews.tv/ayeza-khan-as-mahnoor-jaan-e-jahan/?fbclid=IwAR3VC65utGLll9dhYyN_CXOQ79R3vYe_LgLzXxBFniszYfbptrLi05Y1yrk

https://www.youtube.com/watch?v=ak0DHASC