کیا شیریں مزاری اور انکی بیٹی کو پولیس نے مارا پیٹا? -فرخ حبیب کا پولیس اہلکاروں کے ہاتھوں شیریں مزاری پر تشدد، ایمان مزاری سے بدتمیزی کا دعویٰ

کیا شیریں مزاری اور انکی بیٹی کو پولیس نے مارا پیٹا? -فرخ حبیب کا پولیس اہلکاروں کے ہاتھوں شیریں مزاری پر تشدد، ایمان مزاری سے بدتمیزی کا دعویٰ

فرخ حبیب کا پولیس اہلکاروں کے ہاتھوں شیریں مزاری پر تشدد، ایمان مزاری سے بدتمیزی کا دعویٰ

رہنما پاکستان تحریک انصاف (پی ٹی آئی) فرخ حبیب نے دعویٰ کیا ہے کہ پارٹی کی سینیئر رہنما ڈاکٹر شیریں مزاری کو پولیس اہلکاروں نے تشدد کا نشانہ بنایا ہے اور جب ان کی بیٹی ایمان مزاری اپنی والدہ کو لینے پولیس اسٹیشن پہنچیں تو پولیس اہلکاروں نے انہیں زدوکوب کیا۔

فرخ حبیب نے ایک ٹوئٹ میں کہا کہ پاکستان میں جنگل کا قانون ہے اور ایسا لگتا ہے کہ اس فاشسٹ حکومت نے شہریوں کے بنیادی حقوق معطل کر دیے ہیں

میں امّاں امّاں پکار رہی تھی پھر مجھے میری والدہ(@ShireenMazari1 ) کی چیخنے کی آواز آئی، اُنہوں نے مجھے کہا کہ یہ مجھے مار رہے ہیں تمہیں بھی ماریں گے تم (@ImaanZHazir) یہاں سے چلی جاؤ اور پھر پولیس والوں نے مجھے مارا.
Complete interview 👇

اسلام آباد ہائی کورٹ نے رہنما پاکستان تحریک انصاف (پی ٹی آئی) ملیکہ بخاری اور علی محمد خان کی رہائی کے احکامات جاری کردیے۔

اسلام آباد ہائی کورٹ نے ایم پی او کے تحت دونوں رہنماؤں کی نظر بندی کالعدم قرار دے دی۔
=======================
سینئر پی ٹی آئی رہنما علی زیدی نے پارٹی سے علیحدگی سے متعلق افواہوں کو بے بنیاد قرار دے دیا ہے۔ نجی ٹی وی چینل اے آر وائے نیوز کے مطابق علی زیدی نے کہا ہے کہ میرے پی ٹی آئی چھوڑنے کی جھوٹی افواہیں پھیلائی جارہی ہیں، میرے خلاف غلط معلومات پھیلانے کیلئےمنظم پروپیگنڈہ کیا جا رہا ہے۔ اپنے ٹوئٹر پیغام میں علی زیدی نے لکھا کہ مجھے کالے قانون ایم پی او کےتحت گرفتارکیا گیا، میری والدہ کے گھرکو ایک ماہ کیلئے سب جیل قراردے دیاگیا ہے اوراب میرے پی ٹی آئی چھوڑنے کی جھوٹی افواہیں پھیلائی جارہی ہیں۔
پی ٹی آئی سندھ کے صدر نے کہا کہ میرے خلاف غلط معلومات پھیلانے کیلئےمنظم پروپیگنڈہ کیاجارہاہے،گذشتہ ایک ماہ کے دوران میں نے زیادہ تر وقت حراست میں گزارا ہے۔

یہ بھی پڑھیں: پی ٹی آئی رہنما محمود مولوی کا احتجاجاً پارٹی چھوڑنے کا فیصلہ علی زیدی نے مولوی محمود کا نام لئے بغیر کہا کہ افسوس کہ کچھ دوست جال میں پھنس کر جھوٹ کی سازشی تھیوریوں میں فریق بھی بن جاتےہیں، کبھی نہیں چاہوں گا کہ اسیری کے دنوں میں مجھ پرجو گزری وہ ان پرگزرے۔

اپنے ٹوئٹر پیغام میں علی زیدی نے کہا کہ پی ٹی آئی اس وقت جمہوریت کی بقا کی جنگ لڑرہی ہے، ہمیں ساری توجہ پاکستان کو کرپٹ،جرائم پیشہ افرا د سےبچانے پرلگانی چاہیے کیونکہ اس وقت قانون اورآئین کی نہیں بلکہ کرمنلز کی حکمرانی ہے۔ انہوں نے واضح کیا کہ تمام مشکلات کےباوجود عمران خان کےساتھ وفادار رہوں گا، علی زیدی نے آصف زرداری،نواز شریف اور ،فضل الرحمان کو زہریلے سانپ قرار دیتے ہوئے کہا کہ پاکستان تحریک انصاف ان کےخلاف جنگ جاری رکھےگی۔
واضح رہے کہ آج کراچی میں پریس کانفرنس کرتے ہوئے پاکستان تحریک انصاف کے ممبر قومی اسمبلی محمود مولوی نے پارٹی سے الگ ہونے اور قومی اسمبلی کی رکنیت چھوڑنے کا اعلان کیا تھا۔ انہوں نے کہا کہ میں اداروں اور اسٹیبلشمنٹ سے لڑائی کاحامی نہیں ہوں، 9مئی کو فوجی املاک کو نقصان پہنچانے پر احتجاجاً پارٹی چھوڑنے کا فیصلہ کیا ہے۔ ادھر ترجمان پی ٹی آئی نے سابق رکن قومی اسمبلی آفتاب صدیقی سے منسوب خبروں کی سختی سے تردید کرتے ہوئے کہا ہے کہ آفتاب صدیقی کے پارٹی چھوڑنےسے متعلق خبریں بےبنیاد ہیں وہ بدستور پاکستان تحریک انصاف کا حصہ ہیں اوررہیں گے۔
دوسری جانب پاکستان تحریک انصاف کے رہنما شہریار آفریدی اور ان کی اہلیہ کو اڈیالا جیل منتقل کردیا گیا۔ اسلام آباد کے تھانہ مارگلہ کی پولیس نے شہریار آفریدی اور ان کی اہلیہ کو گزشتہ رات حراست میں لیا تھا۔ پولیس نے شہر یار آفریدی اور ان کی اہلیہ کو 16 ایم پی او کے تحت حراست میں لیا۔ شہریار آفریدی کے بیٹے نے الزام لگایا تھاکہ پولیس نے والدین کو گھسیٹ کر باہر نکالا۔
=======

پی ٹی آئی رہنما شہریار آفریدی اور ان کی اہلیہ کو اڈیالا جیل منتقل کر دیا گیا۔ جیو نیوز کے مطابق اسلام آباد کے تھانہ مارگلہ کی پولیس نے شہریار آفریدی اور ان کی اہلیہ کو گزشتہ رات حراست میں لیا تھا۔ پولیس نے شہر یار آفریدی اور ان کی اہلیہ کو 16 ایم پی او کے تحت حراست میں لیا۔ شہریار آفریدی کے بیٹے نے الزام لگایا تھاکہ پولیس نے والدین کو گھسیٹ کر باہر نکالا۔
دوسری جانب اسلام آباد ہائی کورٹ سے فواد چوہدری کو بڑا ریلیف مل گیا۔ اسلام آباد ہائیکورٹ میں فواد چوہدری کےکیسزکی سماعت ہوئی، جسٹس میاں گل حسن اورنگزیب نے تھری ایم پی او کے تحت فواد چوہدری کی گرفتاری کیخلاف درخواست پر سماعت کی۔ عدالت نے فواد چوہدری کو رہا کرنے کا حکم دیتے ہوئے دو مزید مقدمات میں انہیں گرفتار کرنے سے روک دیا۔

جسٹس میاں گل حسن اورنگزیب نے ریمارکس دئیے کہ پولیس کےلئےاحکامات جاری کرتےہیں عدالت نے حکم نامےکی کاپی آئی جی پولیس کو بھجوانےکاحکم دیتے ہوئے کہا کہ ایڈووکیٹ جنرل ایف آئی آرکاریکارڈ فراہم کرے۔

عدالت نے واضح ہدایات دیں کہ کسی ایسی ایف آئی آرمیں گرفتار نہ کیا جائےجس کا فواد چوہدری کوعلم نہ ہو۔ اس سے قبل رہائی کے بعد فواد چوہدری نے ہائیکورٹ میں میڈیا سے گفتگو کرتے ہوئے کہا کہ ہمیں ایک دوسرے کو گنجائش دینی ہو گی، میں یہ سمجھتا ہوں ہر طرف سے تحمل کا مظاہرہ ہونا چاہیے، کوئی حل نکالنا چاہئے مذاکرات ہونے چاہئیں، یہ ملک پابندیوں کا متحمل نہیں ہو سکتا۔

=======================

‏دیکھا، سنا اور پڑھا تھا کہ سیاسی لیڈر اور کارکن گھبراتے نہیں،بہادری سے گرفتاریاں دیتے ہیں،مریم نواز
مسلم لیگ ن کی چیف آرگنائزر مریم نواز نے اپنے ٹویٹ میں کہا ہے کہ ‏دیکھا، سُنا اور پڑھا تو یہ تھا کہ سیاسی لیڈر اور کارکن گھبراتے نہیں اور نظریے کےلیے بہادری سے گرفتاریاں پیش کرتے ہیں۔ حوصلے سے قید وبند کا سامنا کرتے ہیں۔ بڑی سے بڑی قربانی دینے سے گریز نہیں کرتے ۔ نا قابلِ تلافی نقصان برداشت کرتے ہیں۔ تاریخ میں پہلی مرتبہ ایک جماعت ایسی بھی آئی جس نے ڈر کے مارے ٹانگ پر پلستر چڑھانے، سر پر بالٹیاں رکھنے،ویل چیرز پر بیٹھنے، ہسپتالوں، کورٹ روم اور باتھ رومز میں چھپ جانے اور جوتے چھوڑ کر دوڑ لگانے کی نئی تاریخ رقم کی۔
ایک اور ٹویٹ میں مریم نواز نے استفسار کیا کہ کیاڈاکے مارنیوالے کو ’گڈ ٹو سی یو‘ کہا جاتا ہے؟ ۔کیا ہر ایک کو جیل سے ریسٹ ہاؤس بھی شفٹ کرتے ہیں؟ ۔ کیا سب کو کہا جاتا ہے کہ 10 فیملی ممبرز کو بلائیں،گپیں لگائیں اور سو جائیں؟ ۔کیا ہر ملزم کو مرسیڈیز منگوا کر رخصت کرتے ہیں؟۔
========================