بھارت میں دلہن نے دولہے کی جانب سے 20 لاکھ اور کار کے مطالبے پر شادی سے انکار کردیا۔
بھارتی میڈیا رپورٹ کے مطابق ریاست اترپردیش میں دلہن نے دولہے کی جانب سے مبینہ طور پر جہیز کے مطالبات پر شادی منسوخ کردی۔
دلہن کا کہنا ہے کہ دولہے اور اس کے گھر والوں نے بارات کے وقت 20 لاکھ روپے اور کار جہیز میں دینے کا مطالبہ کیا تھا۔
دولہے نے الزام لگایا کہ اسے اور اہلخانہ کو دلہن کے گھر میں یرغمال بنایا گیا اور ان کا قیمتی سامان لوٹ لیا گیا۔
دولہے کا دعویٰ ہے کہ منگنی کے بعد سے لڑکی کے گھر والے شرمندہ کرتے تھے، دلہن کہتی تھی کہ میں موٹا ہوں اور مجھ سے شادی کرنے سے انکار کردیا اور جہیز کا ڈرامہ رچایا ہے۔
دلہن کی شکایت پر جہیز ایکٹ کی متعلقہ دفعات کے تحت مقدمہ درج کیا گیا جبکہ دولہے نے بھی جوابی شکایت درج کروائی ہے۔
پولیس افسر کا کہنا ہے کہ دولہا بارات کے وقت سو گیا جس کی وجہ سے دلہن کے گھر والوں نے سوچا کہ وہ نشے میں ہے اس کے بعد سارا واقعہ شروع ہوا تھا۔
