بھارت میں لیمبورگینی کا ڈرائیور ٹول ٹیکس دیے بغیر بیریئر کے نیچے سے نکل گیا جس کی ویڈیو سوشل میڈیا پر وائرل ہوگئی۔
بھارت میں ہائی وے پر سپر کار بوتھ سے نیچے سے گزر گئی اور ٹول ٹیکس بھی ادا نہیں کیا، سوشل میڈیا صارفین کا کہنا ہے کہ پیسے سے کلاس نہیں خریدی جاسکتی۔
ویڈیو میں دیکھا جاسکتا ہے کہ ایک گاڑی ٹول ٹیکس پر رکتی ہے اور اس کے پیچھے لیمبورگینی کا ڈرائیور ہوتا ہے۔لیمبورگینی جیسے ہی بیریئر کے قریب پہنچتی ہے تو ڈرائیور اسے نیچے سے نکالتا ہوا چلتا بنتا ہے اور فیس ادا نہیں کرتا۔
ایک صارف نے لکھا کہ مالک مہنگی کار کا متحمل ہوسکتا ہے لیکن پھر بھی اس نے معمول کی فیس ادا نہ کرنے کا انتخاب کیا۔
دوسرے صارف نے لکھا کہ ’یہ خوبصورت کار کی کتنی توہین ہے۔‘
کئی صارفین نے لیمبورگینی کے ڈرائیور پر تنقید کی اور لکھا کہ حقیقی نفاست کو دنیا کی تمام دولت کے باوجود خریدا نہیں جاسکتا۔
