ارجنٹائن کے شہر ایزیزا کے صنعتی علاقے میں زور دار دھماکا ہوا جس کی ویڈیوز سوشل میڈیا پر وائرل ہیں ۔
میئر ایزیزا کے مطابق افسوسناک واقعہ اسپیگزینی انڈسٹریل پارک کے اندر پیش آیا جہاں زور دار دھماکے کے نتیجے میں متعدد فیکٹریاں متاثر ہوئیں جب کہ قریبی گھروں کی کھڑکیوں کے شیشے ٹوٹ گئے۔
میئر ایزیزا کا بتانا ہے کہ دھماکے کے بعد آگ کے بڑے شعلوں کو علاقے میں پھیلتے دیکھا گیا جب کہ دھماکوں سے مختلف فیکٹریوں میں لگنے والی آگ انتہائی شدید نوعیت ہے۔
دوسری جانب مقامی افراد کا کہنا ہےکہ انہوں نے دھماکے سے کچھ ہی لمحے قبل آسمان سے کوئی چیز گرتے ہوئے دیکھی۔
میئر ایزیزا کے مطابق حادثے میں ایک چھوٹا طیارہ گرنے کے حوالے سے قیاس آرائیاں کی جارہی ہیں تاہم حکام نے آگ پر مکمل قابو پانے تک طیارہ گر کر تباہ ہونے کی تصدیق یا تردید نہیں کی
========================
عمران کی بشریٰ سے شادی، ذاتی زندگی ہی نہیں انداز حکمرانی پر بھی سوالات
عمران کی بشریٰ سے شادی، ذاتی زندگی ہی نہیں انداز حکمرانی پر بھی سوالات
اسلام آباد( جنگ نیوز) برطانوی جریدے اکانومسٹ نے لکھا ہے کہ سابق وزیراعظم عمران خان کی تیسری شادی نے محض ذاتی زندگی ہی نہیں، ان کی حکمرانی کے انداز کو بھی گہرے سوالات کے زد میں لاکھڑا کیا ہے۔ حکومتی حلقوں اور سابق معاونین کی جانب سے دعویٰ کیا جاتا ہے کہ بشری بی بی نے اہم تقرریوں اور روزمرہ سرکاری فیصلوں تک اثر انداز ہونے کی کوشش کی، جس سے عمران خان کے فیصلہ سازی کے عمل پر ”روحانی مشاورت“ کا رنگ غالب ہونے کی شکایات پیدا ہوئیںں ۔وہ اپنے اصلاحاتی ایجنڈے میں ناکام رہے۔۔بعض مبصرین کے مطابق مقتدر حلقوں کے چند افراد مبینہ طور پر ایسے اشارے اور معلومات بشری بی بی تک پہنچاتے رہے جو بعد ازاں عمران خان کے سامنے روحانی ”بصیرت“ کے طور پر پیش کی جاتی تھیں۔
