حیدرآباد میں امپیکٹ بیسڈ فارکاسٹنگ (IBF) خدمات کو آگے بڑھانے کے لیے ایک تربیتی ورکشاپ کا انعقاد کیا گیا جس کا مقصد کاشتکار برادری کی موسم کی پیشین گوئیوں اور اثرات پر مبنی ایڈوائزری کے ذریعے مدد کرنا تھا۔ پی ایم ڈی، گرین کلائمیٹ فنڈ (جی سی ایف) پراجیکٹ کے تحت ایف اے او کے تعاون سے زیریں سندھ اور جنوبی پنجاب کے کسانوں کے لیے آئی بی ایف خدمات تیار کر رہا ہے۔ ورکشاپ میں تمام اہم اسٹیک ہولڈرز بشمول مقامی کسانوں، زراعت اور آبپاشی کے محکموں، تحقیقی تنظیموں اور تعلیمی اداروں نے شرکت کی۔ پوٹھوہار ریجن میں کسانوں کے لیے IBF کی کامیاب خدمات کے بعد، PMD اب ان خدمات کو پاکستان کے بڑے زرعی علاقوں تک پھیلانے کی طرف بڑھ رہا ہے۔
=======================
پہلی بارش
کنارے جگمگاتے ہیں
خوشی سے مسکراتے ہیں
افق پر بادلوں نے گھیر رکھا ہے
فضاؤں کو
ہواؤں کو
مرے قدموں میں رنگیں آب کے
دلکش نظارے ہیں
کہیں اک پھول پر رنگین تتلی
کھلکھلاتی ہے
تو وادی جھوم کر
موسم کا اک پیغام لاتی ہے
کہ کچھ ہی دور چل کر
آنے والی ہے حسیں منزل
وہی منزل کہ جس نے
بے قراری کے کئی لمحے
چھپا رکھے ہیں مٹھی میں
میں مٹھی کھول کر
اس خواب کو آزاد کر دوں گی
میں آنکھیں بند کر کے مشتِ خاکی
خاک کر دوں گی
مگر تم سے گزارش ہے
یہ لمحہ پہلی بارش ہے
ذرا اک پل ٹہر جانا
سنہری خاک اُڑتے ہی
مجھے مجھ سے بچا لینا
شائستہ مفتی
