فرانس میں مریض غلط موڑ لے کر ڈاکٹر کے بجائے دوسرے ملک پہنچ گیا۔
فرانسیسی شہری گھر سے ڈاکٹر کے پاس کلینک جانے کے لیے نکلا لیکن ایک غلط موڑ نے اسے ڈاکٹر کے پاس پہنچانے کے بجائے ایک ہزار میل دور دوسرے ملک پہنچا دیا۔
دلچسپ بات یہ ہے کہ اس ملک کی سرحدیں فرانس سے ملتی بھی نہیں ہیں۔
یہ واقعہ گزشتہ ہفتے پیش آیا جب 85 سالہ معمر شخص جی پی ایس کی ہدایت سے الجھ گیا اور قریب کلینک کے بجائے 1500 کلو میٹر دور دوسرے ملک پہنچ گیا۔
رپورٹ کے مطابق چٹیلونسورتوہے نامی گاؤں کے رہائشی معمر شخص کو تقریباً 12 میل کے فاصلے پر کلینک جانا تھا لیکن جب وہ کافی دیر تک گھر نہیں لوٹے کو اہلخانہ کو فکر ہوئی اور گمشدگی کی اطلاع درج کروائی گئی اور آرمی سے موبائل فون کی لوکیشن معلوم کرنے کی درخواست کی گئی۔
فوج نے گمشدہ شخص کا فون یورپی ملک کروشیا کے ہوٹل میں ٹریک کیا جو گھر سے 1500 کلو میٹر یعنی 932 میل دور تھا، بظاہر وہ 20 گھنٹے گاڑی چلا کر اٹلی سے گزرتے ہوئے جنوبی یورپی ملک تک پہنچا تھا۔
مذکورہ شخص اس سب کی وجہ بتاتے ہوئے کہا کہ مجھے لگتا ہے کہ جی پی ایس کی خرابی کی وجہ سے ایسا ہوا ہے۔
