بالی ووڈ کے کنگ شاہ رخ خان اپنے بیٹے آریان خان کے ہمراہ ماضی کے مشہور اداکار دھرمیندر کی تیمارداری کے لیے اسپتال پہنچ گئے۔
https://www.instagram.com/reel/DQ4m8PoEzAB/?utm_source=ig_embed&ig_rid=611a84ff-d9fa-4dcf-9de3-8e69fb7ce905
بھارتی میڈیا کے مطابق بالی ووڈ کے بلیک اینڈ وائٹ دور سے رنگین فلمی دور کے آغاز تک، اپنی جاندار اداکاری سے فلم بینوں کے دلوں پر راج کرنے والے عظیم اداکار دھرمیندر آج کل اسپتال میں زیرِعلاج ہیں۔
شاہ رخ خان اپنے بیٹے آریان خان کے ہمراہ آدھی رات کو اسپتال پہنچے، اداکار نے اسپتال کے باہر موجود فوٹوگرافرز کو تصاویر لینے کا کوئی خاص موقع فراہم نہیں کیا۔
بریچ کینیڈی اسپتال انتظامیہ کے مطابق دھرمیندر ابھی بھی وینٹی لیٹر پر زیرعلاج ہیں، دھرمیندر کے فیملی ذرائع نے بتایا ہے کہ انتہائی نگہداشت میں زیرعلاج دھرمیندر کی حالت میں اب بہتری آئی ہے۔
شاہ رخ خان کے علاوہ سلمان خان، گوندہ اور امیشا پٹیل بھی ممبئی کے بریچ کینڈی اسپتال میں دھرمیندر کی عیادت کر چکے ہیں۔
