لاہور08نومبر 2025…گورنر پنجاب سردار سلیم حیدر خان نے آج کراچی میں امریکن بزنس کونسل آف پاکستان کے زیر اہتمام فوکسڈ گروپ ڈسکشن کے حوالے سے منعقدہ اجلاس میں شرکت کی۔ اجلاس میں صدر امریکن بزنس کونسل (ABC) اکرم ولی محمد، سینئر وائس پریذیڈنٹ (ABC)عاصم سعید خان، سینئر وائس پریذیڈنٹ( ABC) تشنہ پٹیل وائس پریذیڈنٹ ((ABC)اور یو ایس قونصل جنرل چارلس گڈمین(Charles Goodman)موجود تھے۔
اس موقع پر گفتگو کرتے ہوئے گورنر پنجاب سردار سلیم حیدر خان نے کہا کہ امریکن بزنس کونسل پاکستان اور امریکہ کے درمیان تجارتی تعلقات کو مضبوط بنانے میں اہم کردار ادا کررہا ہے ۔اُنہوں نے کہا کہ آج سے دو سال پہلے ملک ڈیفالٹ ہونے کے دہانے پر تھا۔غیرملکی سرمایہ کاروں کو سسٹم سپورٹ نہیں کرتا، اسے ٹھیک کرنے کی ضرورت ہے۔گورنر پنجاب نے کہا کہ یہ بڑی خوش آئند بات ہے کہ بزنس کمیونٹی تمام تر مشکلات کے باوجود ملک میں سرمایہ کاری کررہی ہے۔اُنہوں نے کہا کہ ملک میں اس وقت کولیشن گورنمنٹ ہے، ملکر چل رہے ہیں، بہت ساری چیزیں بہتر ہوئی ہیں۔گورنر پنجاب نے کہا کہ انٹرنیٹ ریٹ 19 فیصد سے 11 فیصد پر آیا ہے۔اُنہوں نے کہا کہ اگر انڈیا اور چائنہ سے مقابکہ کرنا ہے تو انرجی کے حوالے سے قیمتیں مذید کم کرنے کی ضرورت ہے۔گورنر پنجاب نے کہا کہ آئی ایم ایف کے چنگل سے نکلیں گے توچیزیں مذید بہتر ہوں گی۔اُنہوں نے کہا کہ فیلڈ مارشل سید عاصم منیر ملک کے لیے انعام ہیں ۔خاص کر بزنس کے حوالے سے ان کی پوری کوشش ہے کہ بزنس مین کی مشکلات کو حل کیا جائے۔گورنر پنجاب نے کہا کہ پاکستان میں غیر ملکی سرمایہ کاروں، خصوصا امریکی کمپنیوں کے لیے حالات کو بہتر بنانے کی ضرورت ہے۔اُنہوں نے کہا کہ سپیشل انویسٹمنٹ فسلٹیشن کونسلSIFC بہتر کام کر رہی ہے، مذید بہتری کی گنجائش ہے۔گورنر پنجاب نے مزید کہا کہ غیر ملکی سرمایہ کاروں کے لئے زراعت، ٹیکسٹائل سمیت مختلف شعبوں میں سرمایہ کاری کے وسیع مواقع ہیں۔اُنہوں نے کہا کہ ہماری خواہش ہے کہ تمام غیر ملکی کمپنیوں خصوصا امریکی سرمایہ کار پاکستان میں اپنے کاروبار کو مزید وسعت دیں۔ گورنر پنجاب نے کہا کہ پاکستان اور امریکہ کے درمیان تجارتی تعلقات مزید مضبوط کرنے کی ضرورت ہے ۔
