کراچی میں ڈمپر نے ایک اور شخص کی جان لے لی، نشتر روڈ پر ڈمپر کی ٹکر سے راہ گیر جاں بحق ہوگیا، حادثے کے بعد مشتعل افراد نے ڈمپر کو آگ لگادی۔
پولیس کے مطابق جاں بحق نوجوان کی شناخت شاہ زیب کے نام سے ہوئی، متوفی گارڈن کا رہائشی تھا، حادثے میں متوفی کی بیوی بھی زخمی ہوئی۔
پولیس نے حادثے کے بعد فرار ہونے والے ڈمپر ڈرائیور کو گرفتار کرلیا جس کی شناخت نیاز حسین کے نام سے ہوئی۔ ملزم کو گارڈن تھانے منتقل کردیا گیا۔
پولیس کاکہنا ہے کہ ملزم سے تفتیش کی جارہی ہے، ملزم کا کریمینل ریکارڈ بھی چیک کیا جارہا ہے جبکہ جائے وقوعہ کی سی سی ٹی وی فوٹیج بھی حاصل کی جارہی ہے۔
