وزیراعلیٰ مریم نواز شریف کا تفریح کے عالمی دن پر پیغام

بہ تسلیمات نظامت اعلیٰ تعلقات عامہ پنجاب، لاہور
ڈاکٹر محمد عمران اسلم/پی آر او ٹو سی ایم

ہینڈ آؤٹ نمبر1047
وزیراعلیٰ مریم نواز شریف کا تفریح کے عالمی دن پر پیغام
لاہور03 – نومبر:……وزیراعلیٰ پنجاب مریم نواز شریف نے تفریح (Recreation Day)کا عالمی دن پراپنے پیغام میں کہا ہے کہ تفریح نہ صرف ذہنی تناؤ کم کرتی ہے بلکہ جسمانی اور ذہنی صحت کو بھی بہتر بناتی ہے۔ یہ دن صحت مند اور خوشگوار زندگی گزارنے، ذہنی دباؤ کم کرنے اور تخلیقی صلاحیتوں کو اجاگر کرنے کا موقع فراہم کرتا ہے۔اپنے اہل خانہ اور دوستوں کے ساتھ ان سرگرمیوں میں حصہ لیں جو آپ کو خوشی اور سکون فراہم کرتی ہوں۔ وزیراعلی مریم نواز شریف نے کہا کہ خواتین اور بچوں کے لئے پارکوں اور تفریح گاہوں کو اپ گریڈ کیا جارہا ہے۔ سفر اور سیر و تفریح آپ کی تخلیقی صلاحیتوں کو نکھارنے اور کارکردگی کو بہتر بنانے مدد کرتے ہیں۔ مری میں سیروتفریح کیلئے آنے والے سیاحوں کیلئے گلاس ٹرین متعارف کرارہے ہیں۔لاہور تا اسلام آباد بلٹ ٹرین منصوبہ بھی سیرو تفریح کے فروغ کے لئے اہم ہے۔ وزیراعلیٰ مریم نواز شریف نے کہا کہ صوبے بھر میں تمام پارکوں کو خواتین اور بچوں کی سیفٹی کے لئے سی سی ٹی وی کیمروں سے مانیٹر کررہے ہیں۔
٭٭٭٭