میرپورخاص
رپورٹ
تحسین احمد خان
سندھ بار کونسل کے انتخابات 30-2026 میرپورخاص ڈویژن میں مکمل ہوگئے، جن میں دونوں بڑے پینلز کے امیدواروں نے ایک ایک نشست جیت لی۔ میرپورخاص، عمرکوٹ، تھرپارکر اور سانگھڑ کے وکلاء نے بڑی تعداد میں حقِ رائے دہی استعمال کیا تفصیلات کے مطابق سندھ بار کونسل کے انتخابات میں میرپورخاص ڈویژن کے تینوں اضلاع میرپورخاص، عمرکوٹ اور تھرپارکر سمیت ضلع سانگھڑ میں مجموعی طور پر 1515 ووٹرز اہل قرار دیے گئے، جن میں سے 1359 وکلا نے اپنا قیمتی ووٹ کاسٹ کیا۔ میرپورخاص کی نشست پر دو مضبوط امیدوار آمنے سامنے آئے یو۔آٸی۔ایس۔ٹی۔پی پینل کے ایڈووکیٹ محمد ہاشم لغاری اور فرینڈز پینل کے ایڈووکیٹ ممتاز جروار۔ دلچسپ مقابلے کے بعد ہاشم لغاری نے 782 ووٹ لے کر کامیابی اپنے نام کی، جبکہ ان کے مدمقابل ممتاز جروار نے 544 ووٹ حاصل کیے۔ دوسری جانب سانگھڑ کی نشست پر کانٹے دار مقابلہ فرینڈز پینل کے ایڈووکیٹ الطاف حسین جونیجو اور یو۔آٸی۔ایس۔ٹی۔پی پینل کے نند کمار گوکلانی کے درمیان ہوا۔ الطاف جونیجو نے 668 ووٹ حاصل کرکے کامیابی حاصل کی، جب کہ نند کمار گوکھلانی دس ووٹ کے فرق سے 558 ووٹ لیکر دوسرے نمبر پر رہے۔ انتخابات کے دوران وکلاء کا جوش و خروش قابل دید تھا۔ میرپورخاص، سانگھڑ، عمرکوٹ، تھرپارکر، شہدادپور اور ٹنڈو آدم سے تعلق رکھنے والے وکلاء نے بھرپور شرکت کی۔ پولنگ کا عمل پُرامن اور منظم طریقے سے مکمل ہوا۔ یوں سندھ بار کونسل کے 2026 سے 2030 کی مدت کے لیے میرپورخاص ڈویژن کی دونوں نشستوں پر ایک ایک پینل کی کامیابی نے انتخابی نتائج کو متوازن بنا دیا ہے۔
