صوبائی وزیر شاہینہ شیر علی کا یوسی 7 ڈالمیہ کے علاقے کا دورہ، انسداد پولیو مہم کے انکاری والدین سے ملاقات
پولیو ہماری نسلوں میں معذوری پیدا کررہا ہے، صوبائی وزیر شاہینہ شیر علی نے انکاری والدین کو قائل کر کے بچوں کو پولیو کے قطرے پلائے
کراچی 31 اکتوبر۔صوبائی وزیر شاہینہ شیر علی نے یوسی 7 ڈالمیہ کے علاقے کا دورہ کیا اور انسداد پولیو مہم کے انکاری والدین سے ملاقات کی۔ والدین سے ملاقات میں صوبائی وزیر شاہینہ شیر علی نے کہا کہ پولیو ہماری نسلوں میں معذوری پیدا کررہا ہے اور اس وقت دنیا میں پولیو وائرس کی صرف افغانستان و پاکستان میں موجودگی ہمارے لیے شرمندگی کا باعث ہے۔ شاہینہ شیر علی نے کہا کہ انسداد پولیو مہم صحت مند پاکستان کے قیام کی جانب ایک اہم قدم ہے لہذا پولیو کے خاتمے کے ذریعے دنیا میں پاکستان کا امیج بہتر کرنا ہم سب کی اجتماعی ذمہ داری ہے۔ صوبائی وزیر شاہینہ شیر علی نے انکاری والدین کو قائل کر کے بچوں کو پولیو کے قطرے بھی پلائے۔ اس موقع پر اے ڈی سی ون سمیع اللہ سنجرانی، ڈی ایچ او ڈاکٹر زاہد سولنگی و دیگر بھی انکے ہمراہ تھے۔
ہینڈآؤٹ نمبر 1203۔۔۔ایس۔اے۔بی
