پاکستانی فلم و ڈرامہ انڈسٹری کے سینئر اداکار سلیم معراج نے ایک حالیہ پوڈکاسٹ میں شرکت کے دوران اپنے ساتھی فنکاروں کے حوالے سے کھل کر رائے کا اظہار کیا۔
نجی ٹی وی کے شو میں بات چیت کے دوران، اداکار سے کہا گیا کہ وہ ساتھی فنکاروں کو اداکاری کی بنیاد پر نمبر دیں۔
اس موقع پر انہوں نے دانش تیمور، فواد خان، ہمایوں سعید، عدنان صدیقی اور عمران اشرف کو دس میں سے دس نمبر دیے۔
اداکاراؤں کی باری آئی تو سجل علی، صبا قمر اور صائمہ نور کو انہوں نے مکمل نمبر دیے، جبکہ حرا مانی اور حبا بخاری کو چھ نمبر دیتے ہوئے کہا کہ “وہ اچھی اداکارہ ہیں، لیکن مجھے پسند نہیں۔”
جب ان سے اداکارہ ریشم کے بارے میں پوچھا گیا تو سلیم معراج نے انہیں پانچ نمبر دیے اور وضاحت کرتے ہوئے کہا کہ “مجھے ریشم کا مزاج اور اداکاری سمجھ نہیں آتی۔ پہلے وہ مجھے بہت پسند تھیں، لیکن اب نہیں۔”
انہوں نے مزید کہا کہ “ایک وقت تھا جب لگتا تھا صائمہ نور زیادہ عرصہ نہیں رہیں گی اور ریشم انڈسٹری میں طویل عرصہ کام کریں گی، لیکن صورتحال اس کے برعکس رہی۔”
بات چیت کے دوران انہوں نے یشمیٰ گل کے بارے میں کہا کہ اگر وہ اداکاری چھوڑ بھی دیں تو کوئی خاص فرق نہیں پڑے گا، جبکہ میرا کے حوالے سے رائے دی کہ “اب انہیں اداکاری چھوڑ دینی چاہیے۔”























