معروف پنجابی گلوکار راجویر جاونڈا انتقال کر گئے

بھارت کے مشہور پنجابی گلوکار راجویر جاونڈا فانی دنیا کو خیر باد کہہ گئے۔

بھارتی میڈیا رپورٹس کے مطابق پنجابی کے معروف گلوکار راجویر جاونڈا 27 ستمبر کو سڑک حادثے کا شکار ہوگئے تھے، جس کے بعد انہیں راجویر کو موہالی کے اسپتال میں داخل کرایا گیا تھا، جہاں ان کا علاج جاری تھا۔

رپورٹس کے مطابق گلوکار 27 ستمبر کو شملہ جا رہے تھے کہ ان کی موٹر سائیکل ایک آنے والی کار سے ٹکرا گئی تھی۔ جس کے سبب وہ شدید زخمی ہوگئے تھے۔

بھارتی میڈیا کا کہنا ہے کہ راجویر جاونڈا نے اپنے پیچھے بیوی، ماں اور دو بچے چھوڑے ہیں، جب کہ ان کے والد کا پہلے ہی انتقال ہو چکا تھا۔

بھارتی وزیر تعلیم نے اپنے ایکس اکاؤنٹ پر ایک پوسٹ شیئر کرتے ہوئے گلوکار کی موت پر دکھ کا اظہار کرتے ہوئے کہا کہ مشہور پنجابی گلوکار راجویر جاونڈا کے انتقال کی خبر سن کر بہت دکھ ہوا۔