جد ہ ممتاز عالم دین و حلقہ دروس قرآن و احادیث کے سربراہ ڈاکٹر صاحبزادہ قاری عبدالباسط نے کہا ہے کہ کسی مسلمان کے انتقال پر مرحوم کا عزیزواقارب اور دوسروں پر جو حق بنتا ہے وہ مسنون طریقہ سے اس پہ عمل کرتے ہوئے لواحقین کو صبر وتسلی دینا عین سنت ہے، اسی سنت پہ عمل پیرا ہونے کیلئے ہم آج کی محفل میں شریک ہوئے ہیں، اسکے لیے آیت کریمہ اناللہ وانا الیہ راجعون پڑھتے ہیں، لیکن بیشتر لوگ پڑھتے تو ہیں لیکن اسکی روح و معنی کوغور و سمجھے بغیر پڑھتے ہیں، اسکیپڑھنے کاحکم اسلئے دیاگیاہے کہ پڑھنے والاخود کو اور مرحوم کے ورثاء کو بھی توجہ دلاتاہے کہ آپ اور ہم آج اسی راستے پہ رواں دواں ہیں کہ جس پہ وہ (مرحوم) چلے گئے. انہوں نے کہا کہ آج انکی،کل ہماری باری ہے، کُلُّ نَفْسٍ ذَاءِقَۃُ الْمَوْتِ” یعنی ہر جاندار کو موت کا ذائقہ چکھنا ہے۔ یہ آیت قرآن پاک کی ہے اور سورۃ آل عمران کا حصہ ہے۔ انہوں نے مزید کہا ہمیں لمحہ فکریہ ہونا چاہئے ہر تعزیت کے موقع پہ کہ ہم غور کریں ہر آنے والا لمحہ ہمیں زندگی سے دُور اور قبر سے قریب کررہاہے، جہاں ہزاروں سال تنہا پڑے رہناہے، وہاں کوئی خاندانی، سیاسی، علاقائی،ملکی،خونی کوئی رشتہ حسب نسب کام نہیں آئیگا، وہ جدہ میں پاکستان جرنلسٹس فورم سے فورم کے چیئرمین،کالم نگار،ممتاز صحافی امیر محمد خان کے بڑے بھائی شکیل محمد خان کے تعزیتی محفل سے خطاب کررہے تھے.ڈاکٹر قاری عبدالباسط نے کہا کہ مرنے والے کے ساتھ، صرف اسکا عمل اسکے ساتھ جاتاہے، انہوں نے کہا کہ قبر پہلی منزل ہے آخرت کی،جو اس میں کامیاب ہوا وہ آخرت میں کامیاب ہوگا، اور آجرت والا دن جو پچاس ہزار سال والا دن ہوگا، اس دن صرف ایک رشتہ کام آئیگا جسکی بنیاد دِین ہے تقویٰ اور لَآ اِلٰہَ اِلَّا اللہُ مُحَمَّدُ رَّسُولُ اللہ ہے….. انہوں نے کہا کہ تعزیت کے معنیٰ یہ ہے کہ یاددہانی اور وہ سبق جو ہم بھول چکے ہیں، انہوں نے مختلف روایات اور احادیث اور سنت رسول صل اللہ علیہ والہ وسلم سیرت پاک کے حوالے سے سبق آموز مثالیں پیش کیں انہوں نے شکیل محمد خان مرحوم اور دنیا کے تمام مرحومین کی مغفرت اور جنت الفردوس میں اعلیٰ مقام عطا کرنے کی اجتماعی دعائیں کیں اس موقع پہ قونصل پریس محمد عرفان، سابق وفاقی وزیر چوہدری شہباز حسین،جمعت علمائے اسلام کے مولانا عبدالغفورحیدری، پاکستان انوسٹرزفورم کے چوہدری شفقت محمود،علی خورشیدِ ملک،شریف الزمان، سردار وقاص، اوآئی سی کے اسسٹنٹ سیکرٹری جنرل آفتاب کھوکھر، پہچان پاکستان کے ایڈیٹر ذکیر احمد بھٹی،کشمیر کمیٹی کے چیئرمین مسعود احمد پوری، پاکستان پیپلزپارٹی کے چوہدری تصور حسین،،مسلم لیگ کے چوہدری اکرم گجر، عالمی اردو مرکز کے صدر اطہر عباسی، پاکستان جرنلسٹس فورم کے تمام ممبران کے علاوہ جدہ کے صحافیوں کی ہر تنظیم کے اراکین نے شرکت کی جدہ،مکہ ودیگر علاقوں سے کمیونٹی ارکان نے امیر محمد خان سے اظہار تعزیت کی، تعزیتی محفل کا آغاز قاری محمد آصف کی تلاوت اور معروف حسین کی نظامت سے ہوا، آخر میں امیر محمد خان نے شرکا جدہ میں موجود کا شکریہ ادا کیا۔
