یونیورسٹی آف انجینئرنگ اینڈ ٹیکنالوجی لاہور میں وائس چانسلر پروفیسر ڈاکٹر شاہد منیر کی قیادت معرکہ بنیان مرصوص کی فتح پر اظہار تشکر ریلی نکالی گئی جو جامع مسجد سے شروع ہوکر لائبریری چوک پر اختتام پزیر ہوئی ۔ ریلی میں اساتذہ، طلبا اور ملازمین کی بڑی تعداد نے شرکت کی، شرکا ریلی نے پلے کارڈ بینزر اور اٹھا رکھے تھے جس پر پاک افوج کے حق میں نعرے درج تھے ۔ ریلی کے اختتام پر وائس چانسلر ڈاکٹر شاہد منیر نے خطاب کرتے ہوئے کہا کہ یوای ٹی کے اساتذہ، طلبا اور ملازمین افواج پاکستان کے ساتھ کھڑے ہیں اور ملک کی خودمختاری کے دفاع کیلئے پوری قوم متحد ہے، ان کا کہنا تھا کہ افواج کی قربانیوں پر پوری قوم کو فخر ہے۔ یوای ٹی کے پلیٹ فارم سے ہم سائنس اور ٹیکنالوجی کے میدان میں اپنی مسلح افواج سے تعاون کریں گے ، یعنی جہاد بالعلم اورجہاد بالسیف ساتھ ساتھ چلے گا، دنیا کو ٹیکنالوجی سے فتح سے ہی فتح کیا جاسکتا اور دشمن کو زیر بھی ،ان کا کہنا تھا کہ
آج ہم اللہ تعالی کے حضور سجدہ ریز ہیں کہ اس کی خاص نصرت سے کامیابی ملی ۔ اس کامیابی پر ہم نے جمعہ کی نماز کے بعد دعائیں کیں اور شکرانے کے نوافل اداکیے۔ ریلی کے شرکا نے ہاتھوں میں قومی پرچم بھی تھام رکھے تھے اور پاکستان زندہ باد کے نعرے بلند کررہے تھے۔ریلی کے شرکا نے بھارتی جارحیت کے خلاف بھی نعرے بازی کی ،ریلی کے شرکا بھارتی جارحیت پر مسلح افواج کے منہ توڑ جواب پر پرجوش نظر آئے۔
