سندھ ہائیکورٹ نے کمسن بچی کی والد سے ملاقات کے ٹرائل کورٹ کے فیصلے کیخلاف اپیل جزوی طور پر منظور کر لی۔ جسٹس محمد جعفر پر مشتمل سنگل بینچ نے تحریری فیصلہ جاری کردیا۔ تحریری فیصلے میں کہا گیا کہ بچی کی والد سے ملاقات ان کے رہائشگاہ کے بجائے غیر جانبدار مقام پر ہوگی۔ بچی کی والد سے ہر دوسرے ہفتے ملاقات کلفٹن ڈالمن مال شام 4 بجے سے 7 بجے تک ہوگی۔ بچی کی والد سے ملاقات عدالتی عملے کی موجودگی میں کرائی جائے گی۔ ملاقات کے دوران دونوں فریقین کی طرف سے ان کا کوئی فیملی ممبر موجود نہیں ہوگا۔ اگر کوئی ناخوشگوار صورتحال نظر آئے تو عدالتی عملہ ٹرائل کورٹ کو آگاہ کرے۔ عید کے موقع اور بچی کی سالگرہ کے موقع پر بھی 3 گھنٹے کے لیے بیلف کی موجودگی میں بچی کی والد سے ملاقات ہوگی۔ ہفتے میں ایک بار بچی سے فون یا وڈیو کال پر بات کرائی جائے۔ اگر والد مقام کی تبدیلی چاہتا ہے تو متعلقہ ٹرائل کورٹ سے رجوع کرے۔ اپیل میں موقف اپنایا گیا تھا کہ ٹرائل کورٹ نے اسکول سے چھٹیوں میں بچی کی کسڈی والد کے حوالے کرنے کا حکم دیا تھا۔جوڈیشل مجسٹریٹ نے بچی کی والد سے گھر پر ملاقات کی ہدایت کی تھی۔ گھر پر ملاقات کے بعد بچی پریشان حالت میں واپس آتی ہے۔ بچی کی صحت پر برے اثرات مرتب ہورہے ہیں۔
================
انسداد دہشتگردی کی لخصوصی عدالت نے چائنیز قونصلیٹ حملہ کے مقدمے میں کیس پراپرٹی اور گواہوں کو پیش کرنے کا حکم دیدیا۔ انسداد دہشتگردی کی خصوصی عدالت کے روبرو چائنیز قونصلیٹ حملہ کے مقدمے کی سماعت ہوئی۔ کیس پراپرٹی پیش نہ کرنے پر عدالت نے شدید اظہار برہمی کیا۔ عدالت نے تفتیشی افسر سے استفسار کیا کہ کیس پراپرٹی اور گواہوں کو پیش کیوں نہیں کررہے۔ عدالت نے آئندہ سماعت پر کیس پراپرٹی اور گواہوں کوپیش کرنے کا حکم دیدیا۔ عدالت نے کیس کی سماعت 31 مئی تک ملتوی کردی۔ پولیس کے مطابق مقدمہ میں کالعدم بی ایل اے کے کارندے علی حسنین، عبدالطیف سمیت 4 ملزم گرفتار ہیں۔ مقدمے میں کالعدم بی ایل اے کے سربراہ حربیار مری سمیت 16 ملزم اشتہاری ہیں۔ چائینز قونصلیٹ پر نومبر 2018 میں حملہ ہوا تھا۔ حملے میں 3 دہشتگردوں سمیت 7 افراد مارےگئے تھے۔دہشتگردوں کیخلاف سول لائن پولیس نے مقدمہ درج کیا گیا تھا۔
===================
سندھ ہائیکورٹ نے ایئر پورٹ خود کش حملہ کیس کی ملزمہ گل نسا کی درخواست ضمانت پر تفتیشی افسر کو 10 یوم میں حتمی چالان ٹرائل کورٹ میں پیش کرنے کی ہدایت کردی۔ ہائیکورٹ میں ایئر پورٹ خود کش حملہ کیس کی ملزمہ گل نسا کی درخواست ضمانت کی سماعت ہوئی۔ درخواستگزار کے وکیل شوکت حیات ایڈوکیٹ نے موقف دیا کہ مقدمے میں نہ حتمی چالان پیش کیا گیا اور نہ ہی کوئی پراگریس ہے۔ 6 اکتوبر کا وقوعہ ہے، چھ ماہ سے زائد وقت گزر گیا لیکن چالان پیش نہیں کیا گیا۔ عدالت نے آبزرویشن دیتے ہوئے کہا کہ مقدمے کا عبوری چالان تو پیش کردیا ہے۔ سرکاری وکیل نے موقف اپنایا کہ تفتیشی افسر کو پنجاب فرانزک لیب سے یو ایس بی مل چکی ہے۔ عدالت نے استفسار کیا کہ کیا فرانزک رپورٹ مل گئی ہے؟ تفتیشی افسر نے کہا کہ جی یو ایس بی کی فرانزک رپورٹ مل گئی ہے۔ سرکاری وکیل نے موقف دیا کہ حتمی چالان جلد پیش کردیں گے۔ تفتیشی افسر کو ہدایت کی ہے کہ جلد سے جلد چالان جمع کروا دیا جائے۔ تفتیشی افسر نے کہا کہ 10 روز میں چالان پیش کردیں گے۔ عدالت نے وکیل صفائی سے استفسار کیا کہ آپ درخواست ضمانت پر ابھی دلائل دینا چاہتے ہیں یا چالان تک انتظار کرنا چاہتے ہیں؟ وکیل صفائی شوکت حیات ایڈوکیٹ نے موقف دیا کہ ہمیں یو ایس بی بھی فراہم کی جائے۔ عدالت نے ریمارکس دیئے کہ کس قانون کے تحت آپ کو یو ایس بی دی جائے؟ اگر پراسیکیوشن یو ایس بی کو شواہد بنائیں گے تو آپ کو دیدی جائے گی۔ تفتیشی افسر نے کہا کہ سی ٹی ڈی کی آئی ٹی لیب کو مزید وقت درکار ہے۔ عدالت نے ریمارکس دیئے کہ یہاں 6 گھنٹے میں دنیا تبدیل ہوجاتی ہے، واشنگٹن سے کال آجاتی ہے۔ عدالت نے تفتیشی افسر کو 10 یوم میں حتمی چالان ٹرائل کورٹ میں پیش کرنے کی ہدایت کردی۔ عدالت نے درخواست ضمانت کی سماعت 29 مئی تک ملتوی کردی۔
==================
سندھ ہائیکورٹ نے فشرمین سوسائٹی میں ڈائریکٹر کی عدم تعیناتی کیخلاف درخواست پر صوبائی حکومت و دیگر کو نوٹس جاری کردیئے۔ ہائیکورٹ میں فشرمین سوسائٹی میں ڈائریکٹر کی عدم تعیناتی کیخلاف درخواست کی سماعت ہوئی۔ درخواستگزار کے وکیل نے موقف دیا کہ گزشتہ 4 سال سے ایڈمنسٹریٹر کام کررہا ہے۔ فشرمین کی فلاح کیلئے کوئی کام نہیں ہورہا۔ جسٹس محمد اقبال کلہوڑو نے ریمارکس دیئے کہ ہمیں پتہ ہے وہاں کیا کام ہوتا ہے۔ پہلے بھی وہاں ایک بندہ تھا جس کو عدالت نے سزا سنائی تھی۔ عدالت نے درخواست پر صوبائی حکومت و دیگر کو نوٹس جاری کر دیئے۔ عدالت نے آئندہ سماعت پر فریقین سے جواب طلب کرلیا۔
=====================
ایڈیشنل ڈسٹرکٹ اینڈ سیشن جج نے مصطفی عامرقتل کیس ملزم ارمغان کے 2 ساتھیوں کی منشیات کے مقدمے میں ضمانت مسترد کردی۔ ایڈیشنل ڈسٹرکٹ اینڈ سیشن جج کی عدالت کے روبرو مصطفی عامرقتل کیس ملزم ارمغان کے 2 ساتھیوں پر منشیات کے مقدمے میں درخواست ضمانت ہر سماعت ہوئی۔ عدالت نے کوکین اسمگلنگ کے الزام میں گرفتار فرحان اور عبد المغنی کی ضمانت مسترد کردی۔ ملزمان کو رواں سال جنوری میں اسپیشل انویسٹی گیشن یونٹ نے گرفتار کیا تھا۔ ملزم سے کوکین برآمد ہوئی تھی۔ ملزمان نے پولیس کو بتایا تھا کہ وہ ارمغان کے ملازم ہیں۔
===================
ایڈیشنل ڈسٹرکٹ اینڈ سیشن جج نے عصمت فروشی کیلئے خواتین کی خرید و فروخت کرنے کے مقدمے میں ملزم کی ضمامت کنظور کرلی۔ ایڈیشنل ڈسٹرکٹ اینڈ سیشن جج کی عدالت کے روبرو عصمت فروشی کیلئے خواتین کی خرید و فروخت کرنے کے مقدمے میں ملزم کی درخواست ضمامت ہر سماعت ہوئی۔ عدالت نے ملزم صدیق کی درخواست ضمانت منظور کرلی۔ عدالت نے ملزم کو 30 ہزار روپے ضمانتی مچلکے جمع کروانے کا حکم دیدیا۔ ملزم کیخلاف تھانہ زمان ٹاؤن میں مقدمہ درج کیا گیا تھا۔
