علیگڑھ انسٹیٹیوٹ آف ٹیکنالوجی کے مکینیکل ڈپارٹمنٹ کے طلباء نے ایک اور شاندار کامیابی حاصل کرتے ہوئے ادارے اور ملک کا نام روشن کر دیا۔ سعودی عرب کی معروف کمپنی “فلٹر ایکسپرٹس ٹریڈنگ کارپوریشن” نے شعبہ DIIL اور گائیڈنس سینٹر کے اشتراک سے AIT کا دورہ کیا اور طلباء کے انٹرویوز لیے۔
اس موقع پر طلباء نے نہ صرف اپنے علمی معیار کا اعلیٰ مظاہرہ کیا بلکہ لیتھ مشین پر براہِ راست کام کر کے ماہرین کو بہت متاثر کیا ۔ کمپنی کے نمائندگان نے طلباء کی فنی مہارت کو بے حد سراہا اور ان میں سے 7 طلباء کو فائنل انٹرویو کے بعد ملازمت کے لیے منتخب کر لیا۔
فِلٹر ایکسپرٹس ایک سعودی بیسڈ کمپنی ہے جو فنی شعبے خصوصاً لیتھ ٹیکنیشنز کی بھرتی کرتی ہے، اور منتخب امیدواروں کی تقرری سعودی عرب میں کی جائے گی۔
پرنسپل AIT نے اس کامیابی پر طلباء، اساتذہ اور والدین کو مبارکباد پیش کرتے ہوئے کہا کہ یہ ادارے کی محنت اور طلباء کی لگن کا نتیجہ ہے۔
کنوینر AIT نے کہا کہ یہ کامیابی علیگڑھ اور علیگڑھ کے طلباء سمیت کراچی کے دیگر نوجوانوں کے لیے مشعلِ راہ ہے
میڈیا کوآرڈینیٹر AIT
