لاہور()ماہر تعلیم،مدرس،افسانہ نگار اور حلقہ ارباب ذوق کے سابق سیکرٹری اشفاق رشید ، 35سالہ ملازمت مکمل ہونے پر عہدے سے سبکدوش ہوگئے،انھوں نے بطور مدرس اپنے سفر کا آغاز گورنمنٹ کالج ظفر وال سے کیا اور بعد ازاں پتوکی اور گورنمنٹ ڈگری کالج شاہدرہ میں بھی فرائض سر انجام دیتے رہے۔گزشتہ سال ترقی پاکر اشفاق رشید اسلامیہ کالج سول لائنز کے شعبہ اردو سے وابستہ ہوئے اور آج مدت ملازمت مکمل ہونے پر عہدے سے سبکدوش ہوگئے اس موقع پر ہونے
والی اعزازی پارٹی میں شعبہ اردو اور کالج کے دیگر دوستوں نے شرکت کی اور ان کو بھر پور خراج تحسین پیش کیا ،واضح رہے اشفاق رشید لاہور رائٹرز کلب کے بانی اور ادب کے میدان میں نمایاں اہمیت کے حامل ہیں وہ حلقہ ارباب ذوق کے سیکرٹری اور افسانہ نگار کی حیثیت سے انفرادی اہمیت کے حامل ہیں۔ماضی میں شعر وادب سے وابستہ کئی تقریبات ان کی کوششوں کی وجہ سے کامیاب ہوئیں۔
