
صوبہ پنجاب کے شہر گوجرانوالہ میں گذشتہ رات گھر سے ملنے والی خاتون کی لاش سے متعلق تحقیقات جاری ہیں۔
پولیس کا کہنا ہے کہ خاتون کی لاش ملنے کا واقعہ محلہ ریتانوالہ میں پیش آیا۔
پولیس کے مطابق مقتولہ کے شوہر نے پولیس کو دیے گئے بیان میں انکشاف کیا کہ جب وہ گھر میں داخل ہوا تو اس کی بیوی زمین پر گری ہوئی تھی، اس کے کپڑے پھٹے اور پاؤں نالے کے ساتھ بندھے ہوئے تھے۔
کراچی: صندوق سے ملنے والی خاتون کی لاش کی شناخت ہوگئی
پولیس کے مطابق مقتولہ کے گھر سے ملحقہ مکان کئی ماہ سے خالی تھا، مقتولہ کے شوہر کے بیان کی روشنی میں واقعے کا مقدمہ درج کر لیا گیا ہے، مقدمے میں قتل اور زیادتی کی دفعات بھی لگائی گئی ہیں۔
پولیس کے مطابق ایس ایس پی انویسٹی گیشن کی سربراہی میں پولیس ٹیم تحقیقات کر رہی ہے، فرانزک ٹیموں نے شواہد جمع کر لیے ہیں جبکہ ملزمان کو جلد گرفتار کر لیا جائے گ
======================
کراچی میں سی ٹی ڈی کی کارروائی، شارٹ ٹرم اغواء میں ملوث 4 خطرناک ملزمان گرفتار
سی ٹی ڈی انٹیلیجنس ونگ نے کراچی کے علاقے صدر میں کارروائی کرتے ہوئے شارٹ ٹرم اغواء میں ملوث 4 خطرناک ملزمان کو گرفتار کرلیا۔
ترجمان سی ٹی ڈی کے مطابق اغواء کار فیس ماسک، واکی ٹاکی، ہتھکڑیاں اور اسلحہ استعمال کرتے ہوئے شہریوں کو اسٹیل ٹاؤن کے ویران علاقے میں لے جاتے تھے۔
سی ٹی ڈی کے مطابق گروہ تاوان وصول کرنے کے بعد شہریوں کو شہر کے دوسرے علاقوں میں چھوڑ دیتا تھا، گرفتار ملزم امتیاز عرف سلمان، عبید الرحمان عرف آبی، شاہد عرف موسیٰ اور سلیم کے قبضے سے پستول، جعلی نمبر پلیٹ والی گاڑی، موبائل فونز، واکی ٹاکی اور ہتھکڑیاں برآمد کی گئیں۔
ترجمان سی ٹی ڈی نے بتایا کہ ملزمان نے 13 اپریل کوشہری کو اغواء کر کے بٹ کوائن اور ہنڈی حوالہ سے متعلق معلومات حاصل کیں جبکہ اغوا کے بعد شہری سے آئی فون چھین کر رقم طلب کی گئی اور ملیر 15 پر چھوڑ دیا گیا۔
لاہور: مطلوب 2 خطرناک اشتہاری ملزمان 10 اور 13 سال بعد گرفتار
سی ٹی ڈی حکام کے مطابق ایک اور واردات میں 20 اپریل کو شہری کو اغوا کر کے اے ٹی ایم اور ایزی پیسہ سے 5 لاکھ روپے نکلوائے اور متاثرہ شہری کو صبح 10 بجے اللّٰہ والی چورنگی پر چھوڑا گیا، جس کا مقدمہ تھانہ سول لائن میں درج ہے۔
علاوہ ازیں تیسری واردات میں کسٹم اہلکار بن کر اورنگی ٹاؤن میں فیکٹری سے 6، 7 لاکھ روپے بلیک میل کر کے وصول کیے۔
سی ٹی ڈی حکام نے گرفتار ملزمان سے مزید تفتیش شروع کر دی ہے اور ان کے دیگر ساتھیوں کی گرفتاری کے لیے چھاپے مارے جا رہے ہیں۔
==========================
لاہور: سلینڈر پھٹنے کے نتیجے میں 5 افراد جاں بحق
صوبۂ پنجاب کے دارالخلافہ لاہور میں واقع راوی روڈ پر دکان میں سلینڈر پھٹنے کے نتیجے میں 5 افراد جاں بحق ہوگئے۔
ریسکیو ذرائع کے مطابق حادثے میں جاں بحق ہونے والوں میں 3 بچے اور 2 خواتین شامل ہیں۔
پولیس کے مطابق جاں بحق ہونے والوں کا تعلق ایک ہی خاندان سے ہے، سلینڈر پھٹنے سے 7 افراد زخمی بھی ہوئے ہیں جبکہ دو کی حالت تشویش ناک ہے۔
لاہور: سلنڈر پھٹنے سے 3 افراد جاں بحق، 3 زخمی
پولیس کا کہنا ہے کہ تمام زخمیوں کو میو اسپتال منتقل کردیا گیا ہے۔
پولیس کے مطابق 3 منزلہ گھر کے نچلے حصے میں سلینڈرز کی دکان تھی، حادثہ ایل پی جی سلینڈر کی دکان پر پیش آیا، سلینڈرز پھٹنے سے قریبی دکانیں اور عمارتوں کو بھی نقصان پہنچا ہے۔























