پریس ریلیز
یونائیٹڈ الائنس کے سرپرست اعلیٰ اور سندھ گڈز ٹرک ٹرالر اونرز ایسوسی ایشن کے صدر ملک شبر خان، نائب صدر حمید بلوچ، جنرل سیکریٹری محمد اعظم بٹ، اور انفارمیشن سیکریٹری امین بلوچ، جوائنٹ سیکرٹری جاوید میمن ، راشد بندھانی اور تمام ایگزیکٹو ممبران نے اپنے ایک مشترکہ بیان میں کہا ہے کہ اگر بھارت نے پاکستان کے خلاف کسی بھی قسم کی جارحیت یا جنگ مسلط کرنے کی کوشش کی، تو ملک بھر کی ٹرانسپورٹ برادری پاک فوج کے شانہ بشانہ کھڑی ہوگی۔
انہوں نے کہا کہ پاکستان کی سالمیت اور خودمختاری پر کوئی آنچ نہیں آنے دی جائےق گی۔ ہم اپنے ٹرک، ٹرالر، ایندھن، ڈرائیورز اور دیگر تمام دستیاب وسائل پاک فوج کے قدموں میں پیش کرنے کے لیے ہر وقت تیار ہیں۔ یہ وطن ہماری پہچان، ہماری عزت اور ہمارا فخر ہے، اور اس کے دفاع میں ہم کسی قربانی سے دریغ نہیں کریں گے۔
صدر ملک شبر خان نے مزید کہا کہ دشمن کو یہ پیغام دینا ضروری ہے کہ پاکستان کے عوام، خصوصاً ٹرانسپورٹ کا شعبہ، افواجِ پاکستان کے ساتھص ہر محاذ پر سیسہ پلائی دیوار کی طرح ڈٹ کر کھڑا ہے۔ وقت آنے پر ہماری گاڑیاں صرف سامان نہیں بلکہ عزم، حوصلہ، وفا اور قربانی لے کر میدان میں اتریں گی۔
جاری کردہ:
امین بلوچ
انفارمیشن سیکرٹری
سندھ گڈز ٹرک ٹرالر اونرز ایسوسی ایشن
