[7:42 AM, 12/17/2025] Baba: چئیرمین پاکستان کرکٹ بورڈ محسن نقوی کی زیر صدارت پی سی بی بورڈ آف گورنرز کا ویڈیو لنک اجلاس،نیشنل کرکٹ سٹیڈیم کراچی کی تعمیر نو کے دوسرے مرحلے کی باضابطہ منظوری
ایل سی سی اے گراؤنڈ کو اوول گراؤنڈ کی طرز پر اپ گریڈ کرنے کا فیصلہ، بی او جی نے ایل سی سی اے گراؤنڈ کی اپ گریڈیشن کی منظوری دے دی
اجلاس میں پی ایس ایل لندن و نیویارک روڈ شوز کی کامیابی پر چیئرمین پی سی بی محسن نقوی اور ٹیم کی محنت اور پروفیشنل ازم کو سراہا گیا، سری لنکن ٹیم کے حالیہ دورہ کو جاری رکھنے کے لیے چئیرمین پی سی بی محسن نقوی کی ذاتی کاوشوں کو خراج تحسین
بی او جی کے ممبران کی جانب سے چئیرمین پی سی بی محسن نقوی سے اظہار تشکر کی قرارداد منظور ۔سری لنکن ٹور کو جاری رکھنے کا کریڈٹ میری ذات کو نہیں بلکہ پوری ٹیم کو جاتا ہے۔ محسن نقوی
لاہور۔16 دسمبر،2025۔
چئیرمین پاکستان کرکٹ بورڈ محسن نقوی کی زیر صدارت پی سی بی بورڈ آف گورنرز کا ویڈیو لنک اجلاس منعقد ہوا ،جس میں نیشنل کرکٹ سٹیڈیم کراچی کی تعمیر نو کے دوسرے مرحلے کی باضابطہ منظوری کی گئی۔بی او جی کے اجلاس میں ایل سی سی اے گراؤنڈ کو اوول گراؤنڈ کی طرز پر اپ گریڈ کرنے کا فیصلہ کیا گیا۔اجلاس میں ایل سی سی اے گراؤنڈ کی اپ گریڈیشن کی منظوری دی گئی ۔ اجلاس میں پی ایس ایل لندن و نیویارک روڈ شوز کی کامیابی پر چیئرمین پی سی بی محسن نقوی اور ٹیم کی محنت اور پروفیشنل ازم کو سراہا گیا۔ بی او جی کے اجلاس میں سری لنکن ٹیم کے حالیہ دورہ کو جاری رکھنے کے لیے چئیرمین پی سی بی محسن نقوی کی ذاتی کاوشوں کو خراج تحسین پیش کیا گیا اوربی او جی کے ممبران کی جانب سے چئیرمین پی سی بی محسن نقوی سے اظہار تشکر کی قرارداد منظور کی گئی۔ چیئرمین پی سی بی محسن نقوی نے کہا کہ
سری لنکن ٹور کو جاری رکھنے کا کریڈٹ میری ذات کو نہیں بلکہ پوری ٹیم کو جاتا ہے۔ہم نے اخلاص سے محنت کی اور اللہ تعالٰی نے مدد کی۔پی ایس ایل روڈ شوز کی کامیابی پی سی بی اور پی ایس ایل کی پوری ٹیم کی کی کامیابی ہے۔ پی ایس ایل کو انٹرنیشنل برانڈ بنانے کے لئے سب نے شبانہ روز انتھک محنت کی۔ انہوں نے کہا کہ پوری کوشش ہے کہ پی ایس ایل 11 کے میچ مظفرآباد سٹیڈیم میں کرائے جائیں جبکہ مظفرآباد سٹیڈیم میں انٹرنیشنل میچز بھی کرائیں گے۔
اسلام آباد میں سٹیٹ آف دی آرٹ کرکٹ سٹیڈیم تعمیر ہو گا۔ اجلاس کو بریفنگ میں بتایا گیا کہ ریجنل لیول پر معروف نجی فرم نے کلبز کی سکروٹنی کا آغاز کر دیا ہے۔چیف ایگزیکٹو آفیسر پی ایس ایل سلمان نصیر نے پی ایس ایل روڈ شوز کے بارے اجلاس کو بریفنگ دی۔بورڈ آف گورنرز کے اجلاس کو مستقبل کے آئی سی سی وویمنز و مینز کرکٹ ٹورنامنٹس کے بارے بریفنگ دی گئی۔ اجلاس کو ڈومیسٹک کرکٹ کے ڈھانچے کو مضبوط کرنے اور نچلی سطح پر ٹورنامنٹس و میچز کی تعداد میں اضافے کے بارے بریف کیا گیا۔بورڈ آف گورنرز کے ممبران اسماعیل قریشی۔طارق سرور۔ سجاد علی کھوکھر۔ انوار غنی۔ظہیر عباس۔ تنویر احمد۔ظفر اللہ۔ مصطفے رمدے۔ عدنان ملک ۔ایڈیشنل سیکرٹری کابینہ ڈویژن ۔چیف آپریٹنگ آفیسر پی سی بی سمیر احمد اور چیف ایگزیکٹو آفیسر پی ایس ایل سلمان نصیر اجلاس میں شریک ہوئے۔چیف فنانشل آفیسر۔ ڈائریکٹرز انفراسٹرکچر ۔ ڈومیسٹک کرکٹ۔ کمرشل اور متعلقہ حکام نے بھی اجلاس میں شرکت کی۔
