کراچی کی زرخیز پھلوں کی وادی | کاٹھور
کراچی کی زرخیز پھلوں کی وادی | کاٹھور
Karachi’s Fertile Fruit Valley | Kathore
===================
پٹرول 2 اور ڈیزل کی قیمت میں 4 روپے 79 پیسے فی لٹر کمی
پٹرول 2 اور ڈیزل کی قیمت میں 4 روپے 79 پیسے فی لٹر کمی
اسلام آباد(کامرس رپورٹر)حکومت نے آئندہ 15 روز کیلئے پٹرولیم مصنوعات کی قیمتوں میں کمی کردی،پٹرولیم ڈویژن کی جانب سے پٹرولیم مصنوعات کی قیمتوں میں کمی کا نوٹیفکیشن جاری کر دیا گیا ، نوٹیفکیشن کے مطابق پٹرول کی فی لٹر قیمت میں 2روپےکی کمی کی گئی جس کے بعد پٹرول کی نئی قیمت 263 روپے 45 پیسے فی لٹر ہوگی۔ہائی سپیڈ ڈیزل کی قیمت میں 4 روپے79 پیسے کی کمی کے بعد 279 روپے65 پیسے مقرر کی گئی ،پٹرولیم مصنوعات کی قیمتوں میں کمی کا اطلاق رات 12 بجے سے ہوگیا۔
=====================
کراچی: نیپا چورنگی کے قریب بچہ مین ہول میں گر گیا
کراچی کا ایک اور بچہ انتظامیہ کی مبینہ غفلت کا شکار ہوگیا، گلشن اقبال نیپا پل کے قریب معروف ڈیپارٹمنٹل اسٹور کے سامنے تین سالہ ابراہیم کھلے گٹر میں گر کر لاپتہ ہوگیا، ریسکیو آپریشن کرنے والے اہلکاروں کا کہنا ہے کہ کسی ادارے کی طرف سے مشینری نہیں ملی۔
حادثے کی اطلاع ملتے ہی ریسکیو 1122 اور ایدھی بحری خدمات کی ٹیمیں جائے وقوعہ پہنچ گئیں اور بچے کی تلاش کا عمل شروع کیا، اس دوران ماں اپنے لخت جگر کو بچانے کی اپیل کرتی رہی اور جائے وقوعہ پر دہائیاں دیتی رہیں۔
ترجمان ریسکیو 1122کے مطابق تین سے چار سالہ بچہ اپنے والدین کے ساتھ ڈیپارٹمنٹل اسٹور سے باہر نکلا تھا کہ والدین کا ہاتھ چھڑا کر اچانک بھاگ گیا اور قریب موجود گٹر پر جا کر کھڑا ہوا، جس کو عارضی طور پر گتے کی مدد سے بند کیا گیا تھا۔
گتے کے ٹوٹتے ہی بچہ سیدھا مین ہول میں جا گرا، بچے کے والد نبیل کا کہنا ہے کہ ہم شاہ فیصل کے رہائشی ہیں اور میں اپنی بیوی اور بیٹے کے ہمراہ نیپا شاپنگ مال آیا تھا جب ہم نے شاپنگ کی تو باہر نکلے اور باہر آکر میرا بیٹا ہاتھ چھڑا کر بھاگا۔
والد کا کہنا تھا کہ میری موٹر سائیکل گٹر کے مین ہول کے قریب پارک تھی جبکہ گٹر کے مین ہول پر ڈھکنا موجود نہیں تھا، انہوں نے بتایا کہ میری آنکھوں کے سامنے گٹر میں میرا بیٹا گرا ہے۔
بچے کے والس نے بتایا کہ میرے بیٹے ابراھیم کی عمر تین سال ہے اور یہ میری اکلوتی اولاد تھی، ان کا کہنا تھا کہ یہ بہت مشکل وقت ہے تاہم ابراہیم کی تلاش جاری ہے جبکہ بچے کے دادا نے میڈیا سے گفتگو میں کہا کہ موٹرسائیکل کی پارکنگ فیس لی جاتی ہے لیکن گٹر کا ڈھکن نہیں لگایا جاتا، گورنر سندھ، وزیر اعلی سندھ، مرتضیٰ وہاب ہمارے بچے کو اپنا بچہ سمجھ کر ریسکیو کا کام کرائیں۔
واقعے کے بعد نیپا چورنگی پر شہریوں نے احتجاج شروع کردیا اور ٹائر جلا کر سڑک بلاک کردی، مظاہرین نے نیپا چورنگی سے حسن اسکوائر جانے والی سڑک بند کردی، نیپا سےجامعہ کراچی اور گلشن چورنگی جانے والی سڑک بھی بند کی گئی۔
======================
خیبرپختونخواہ میں گورنر راج پر غور کیا جارہا ہے، وزیر مملکت برائے قانون
گورنر راج شدید ضرورت کی صورت میں لگایا جاتا ہے، صوبے کے حالات اس کا تقاضہ کررہے ہیں؛ بیرسٹر عقیل ملک کی گفتگو
خیبرپختونخواہ میں گورنر راج پر غور کیا جارہا ہے، وزیر مملکت برائے قانون
اسلام آباد – وزیر مملکت برائے قانون بیرسٹر عقیل ملک نے کہا ہے کہ خیبرپختونخواہ میں گورنر راج لگانے کے حوالے سے غور کیا جارہا ہے۔ جیو نیوز کے پروگرام میں گفتگو کرتے ہوئے انہوں نے کہا کہ دہشتگردی اور سرحد کی صورتحال کو دیکھتے ہوئے گورنر راج لگانے کا معاملہ زیرِ غور ہے کیوں کہ خیبر پختونخواہ کی صورتحال سب کے سامنے ہے، صوبے میں ایسا انتظامی ڈھانچہ ہو جو کچھ فائدہ تو دے، کب تک ایک صوبے کے شہریوں کو بے یار و مددگار چھوڑیں گے، ماضی میں پنجاب میں بھی گورنر راج لگایا جاچکا ہے، گورنر راج شدید ضرورت کی صورت میں لگایا جاتا ہے، صوبے کے حالات اس کا تقاضہ کررہے ہیں۔
دوسری طرف گورنر خیبرپختونخواہ فیصل کریم کنڈی کو عہدے سے ہٹائے جانے کا امکان ظاہر کیا جارہا ہے، ذرائع کا کہنا ہے کہ صوبے میں تعینات کیے جانے والے نئے گورنر کے لیے اس وقت 6 ناموں پر غور کیا جارہا ہے، زیرِغور ناموں میں 3 سیاسی شخصیات اور تین سابق فوجی افسران شامل ہیں، نئے گورنر کیلئے جن سیاسی شخصیات کے ناموں پر غور ہورہا ہے ان میں امیر حیدر خان ہوتی، آفتاب شیر پاؤ اور پرویز خٹک کا نام لیا جارہا ہے۔
ذرائع کا حوالہ دیتے ہوئے بتایا گیا کہ جب کہ لیفٹیننٹ جنرل ریٹائرڈ خالد ربانی، لیفٹیننٹ جنرل ریٹائرڈ غیور محمود اور لیفٹیننٹ جنرل ریٹائرڈ طارق خان کے نام بھی گورنر خیبرپختونخواہ کے عہدے کیلئے زیر غور ہیں، ان میں سے لیفٹیننٹ جنرل ریٹائرڈ غیور محمود اور لیفٹیننٹ جنرل ریٹائرڈ طارق خان سابق آئی جی ایف سی رہ چکے ہیں جب کہ لیفٹیننٹ جنرل ریٹائرڈ خالد ربانی اپنی سروس کے دوران کور کمانڈر پشاور بھی تعینات رہے تھے۔
بعد ازاں گورنر خیبرپختونخواہ فیصل کریم کنڈی کا عہدے سے ہٹانے کی خبروں پر ردعمل سامنے آیا، اس سلسلے میں پشاور میں صحافیوں کے سوالات کا جواب دیتے ہوئے انہوں نے کہا کہ گورنر کی تبدیلی کے حوالے سے مجھے کچھ علم نہیں، اگر میڈیا ہی گورنر لگائے گا تو پھر اللہ حافظ ہے، میری تبدیلی کے حوالے سے پارٹی کا جو فیصلہ ہوگا وہ قبول کریں گے۔
