افغانستان کے بحران نے پاکستان کو گہرا کر دیا امریکہ اور چین نے سکیورٹی کا از سر نو جائزہ لیا | مزمل سہروردی فدا عدیل
افغانستان کے بحران نے پاکستان کو گہرا کر دیا امریکہ اور چین نے سکیورٹی کا از سر نو جائزہ لیا | مزمل سہروردی فدا عدیل
Afghanistan Crisis Deepens Pakistan US & China Reassess Security | Muzamal Suharwardy Ft. Fida Adeel
==============================
پاکستان کے سری لنکا دورے کا شیڈول سامنے آ گیا، 3 ٹی ٹوئنٹی میچز دامبولا میں
پاکستان اور سری لنکا کے درمیان 3 ٹی ٹوئنٹی میچوں کی سیریز جنوری میں دامبولا میں شیڈول کر دی گئی ہے، جو آئی سی سی مینز ٹی ٹوئنٹی ورلڈ کپ 2026 کی تیاریوں کا اہم حصہ ہوگی۔
ذرائع کے مطابق دونوں بورڈز نے سیریز کے شیڈول کو حتمی شکل دے دی ہے، جس کے تحت تمام میچ 8 سے 12 جنوری تک رنگڑی دامبولا انٹرنیشنل کرکٹ اسٹیڈیم میں کھیلے جائیں گے۔
پہلا ٹی ٹوئنٹی: 8 جنوری 2026
دوسرا ٹی ٹوئنٹی: 10 جنوری 2026
تیسرا ٹی ٹوئنٹی: 12 جنوری 2026
مقام: رنگڑی دامبولا انٹرنیشنل اسٹیڈیم
ورلڈ کپ 7 فروری سے 8 مارچ 2026 تک بھارت اور سری لنکا میں منعقد ہوگا، جبکہ ہائبرڈ ماڈل کے تحت پاکستان اپنے تمام میچ سری لنکا میں ہی کھیلے گا۔
پی سی بی اور ایس ایل سی گزشتہ کئی ہفتوں سے رابطے میں تھے تاکہ سیریز کے تمام معاملات طے کیے جا سکیں، جو اب تقریباً مکمل ہو چکے ہیں۔ یہ مختصر دورہ پاکستان کیلئے اہم ہوگا، کیونکہ سری لنکن کنڈیشنز وہی ہیں جن میں قومی ٹیم ورلڈ کپ کے میچ کھیلے گی۔
دوسری جانب کولمبو کے پریما داسا اسٹیڈیم اور پالی کیلے اسٹیڈیم میں ورلڈ کپ سے قبل جاری تعمیر و مرمت کے باعث تمام میچ دامبولا منتقل کیے گئے ہیں، جبکہ اسی وجہ سے لنکا پریمیئر لیگ کے چھٹے ایڈیشن کو بھی ملتوی کر دیا گیا ہے۔
اسی دوران پاکستان اور سری لنکا دونوں ٹی ٹوئنٹی ٹرائی سیریز کے فائنل میں پہنچ چکے ہیں، جہاں فیصلہ کن معرکہ 29 نومبر کو کھیلا جائے گا۔
=======================
موٹروے ایم ون شدید دھند کے باعث بند، حدِ نگاہ چند میٹر تک محدود
شدید دھند نے ایک بار پھر موٹروے ٹریفک نظام کو شدید متاثر کردیا ہے جبکہ حدِ نگاہ انتہائی کم ہونے کے باعث موٹروے ایم ون صوابی سے برہان تک ٹریفک کیلئے مکمل طور پر بند کردی گئی ہے۔
موٹروے پولیس کے ترجمان کے مطابق رشکئی سے برہان تک دھند انتہائی گہری اور حد نگاہ چند میٹر رہ گئی تھی، جس کے باعث حادثات کے خدشے کے پیش نظریہ فیصلہ کیا گیا۔
ترجمان نے بتایا کہ مسافروں کی جان و مال کا تحفظ اولین ترجیح ہے، اسی لیے دھند کے دوران موٹروے بند کرنا ناگزیرتھا۔
پی ڈی ایم اےپنجاب کی جانب سے دھنداور اسموگ سے متعلق الرٹ جاری
انہوں نے مزید کہا کہ ایم ون پر مختلف مقامات پر دھند کے باعث سفر انتہائی خطرناک ہو چکا ہے، اور ایسے حالات میں ڈرائیورز کا معمولی غلط فیصلہ بھی بڑے حادثے کا سبب بن سکتا ہے۔
موٹروے پولیس نے شہریوں سے اپیل کی ہے کہ وہ دھند کے اوقات میں غیر ضروری سفر سے گریز کریں، اور اگر سفر ناگزیر ہو تو فوگ لائٹس کا استعمال کریں اور گاڑیوں کے درمیان مناسب فاصلہ رکھیں، موسم بہتر ہوتے ہی موٹروے کو ٹریفک کیلئے کھول دیا جائے گا۔
