ستائیسویں ترمیم سے پاکستان کے مظلوم طبقوں کو مایوسی ہوئی ہے:پاسبان
صوبوں کے وسائل پر سب کا حق ہے لیکن اس پر چند افراد قابض ہیں:عبدالحاکم قائد
عوام کو بنیادی سہولیات کی فراہمی کے لئے چھوٹے انتظامی یونٹ ناگزیر ہیں
وسائل کی غیر منصفانہ تقسیم کی بناء پر ملک کی ترقی رک گئی ہے
کراچی ( ) پاسبان ڈیموکریٹک پارٹی کراچی کے صدر عبدالحاکم قائد اور ضلعی صدور قیوم شعبان، عمیر صدیقی، سجاول خان مروت اور امداد بلوچ نے مشترکہ بیان میں کہا ہے کہ ستائیسویں ترمیم سے پاکستان کے مظلوم طبقوں کو مایوسی ہوئی ہے۔ عوام کو امید تھی کہ نئے صوبے بنانے کی سمت پیش رفت ہوگی یا کم از کم بلدیاتی سطح پر اختیارات منتقل ہوں گے۔ صوبوں کے وسائل پر سب کا حق ہے لیکن اس پر چند افراد قابض ہیں۔ عوام کو فائدہ یکساں طور پر ہونا چاہیے۔ عوام کو بنیادی سہولیات کی فراہمی کے لئے چھوٹے انتظامی یونٹ ناگزیر ہیں۔ وسائل کی غیر منصفانہ تقسیم کی بناء پر ملک کی ترقی رک گئی ہے۔ پچھلے بیس سالوں میں صرف چوکیدار اور بائیکیا کی نوکریاں پیدا ہوئی ہیں۔ لوگوں کے معیار زندگی میں تنزلی ہو رہی ہے۔ عوام جمہوریت سے مایوس ہو چکے ہیں۔ نوجوان نسل کو دینے کے لئے ہمارے پاس کچھ بھی نہیں ہے۔ روزگار کا ذریعہ لوگوں کا بنیادی حق ہے۔ یوٹیلیٹی،علاج معالجہ اور ٹرانسپورٹ سب کی دسترس میں ہونا چاہیے#
========================
جلد وزیراعلیٰ سرفراز بگٹی کو ہٹایا جائے گا، دوستین خان
جلد وزیراعلیٰ سرفراز بگٹی کو ہٹایا جائے گا، دوستین خان
مسلم لیگ ن کے رہنما اور سینیٹر دوستین خان ڈومکی نے کہا ہے کہ بہت جلد وزیراعلیٰ سرفراز بگٹی کو ہٹایا جائے گا۔
انہوں نے کہا کہ ان ہاؤس تبدیلی لاکر وزیراعلیٰ پیپلز پارٹی کی مشاورت سے لایا جائے گا۔
دوستین خان ڈومکی کا کہنا تھا کہ موجود وزیراعلیٰ نے پی پی اور مسلم لیگ ن کی قیادت کو مایوس کیا۔
جیو نیوز سے گفتگو کرتے ہوئے رہنما پیپلزپارٹی صادق عمرانی نے کہا کہ وزیراعلیٰ بلوچستان کی تبدیلی سے متعلق قیاس آرائیاں بے بنیاد ہیں، دوستین ڈومکی کو کچھ تحفظات ہیں تو وہ لیگی قیادت کے سامنے رکھیں۔
انہوں نے کہا کہ سرفراز بگٹی کو تمام اتحادی جماعتوں کا مکمل اعتماد اور حمایت حاصل ہے، معاملہ پارٹی قیادت کے سامنے رکھیں گے، حتمی فیصلہ قیادت کرے گی
