وزیراعظم محمد شہباز شریف کا برداشت کے عالمی دن کے حوالے سے تقریب سے خطاب
“نبی کریمﷺ کا اسوۂ حسنہ ہمارے لیے بہت بڑا سرمایہ حیات ہے۔ طائف میں مخالفین نے پتھر برسائے لیکن جواب میں نبی کریم ﷺنے جو ارشاد فرمایا وہ قیامت تک محفوظ رہے گا۔ وہ ایک ایسا پیغام ہے جس سے تحمل اور برداشت کو فروغ ملتا ہے۔ نبی پاک ﷺبرداشت اور رواداری کا مکمل پیکر تھے۔ ان کی تعلیمات امن اور بھائی چارے پر مبنی ہیں۔ صلح حدیبیہ بھی اسی طرح کی ایک عظیم مثال ہے۔ آج دوبارہ وقت آ گیا ہے کہ ہم اسلامی تعلیمات کو فروغ دیں، تمام مذاہب اور حضرت عیسی علیہ السلام کی تعلیمات امن، بھائی چارے اور باہمی تعلقات کو فروغ دینے کا درس دیتی ہیں۔ تحمل اور برداشت کی اقدار کو اگر ہم فروغ دیں تو پاکستان کا معاشرہ دوبارہ اپنے پاؤں پر کھڑا ہوگا۔ اللہ تعالیٰ پاکستان کو ایک عظیم ملک بنائے جس میں تمام مکاتب فکر اور تمام مذاہب کے لوگ امن اور چین کی زندگی بسر کریں۔ آئیے آج ہم اس کا عہد کریں اور عملی میدان میں عملی ثبوت دیں۔”
