چیئرمین ناظم آباد ٹاؤن سید محمد مظفر کا یونین کمیٹی نمبر 04 ناظم آباد ڈسپنسری، علامہ شبیر عثمانی لائبریری اور یونین کمیٹی نمبر 05 پیرآباد ڈسپنسری کا دورہ
ترقیاتی کاموں کا تفصیلی جائزہ، عوامی ریلیف کے لیے خصوصی ہدایات جاری
عوام کی سہولیات ہماری اولین ترجیح ہیں:سید محمد مظفر
ہم ناظم آباد ٹاؤن کو ترقیاتی کاموں، صحت، لائبریری اور شہری خدمات کے لحاظ سے ایک مثالی ٹاؤن بنانا چاہتے ہیں:سید محمد مظفر
مورخہ 18 نومبر 2025
کراچی( ) چیئرمین ناظم آباد ٹاؤن سید محمد مظفر نے آج ٹاؤن میں جاری ترقیاتی سرگرمیوں کے سلسلے میں تین مختلف مقامات کا دورہ کیا جن میں ناظم آباد یونین کمیٹی نمبر 04 ناظم آباد ڈسپنسری،رضویہ سوسائٹی علامہ شبیر عثمانی لائبریری اور یونین کمیٹی نمبر 05 پیرآباد ڈسپنسری شامل ہیں۔دورے کے موقع پر فوکل پرسن کلک عثمان غنی، ڈپٹی ڈائریکٹر لائبریری ایاز عارف و دیگر افسران بھی چیئرمین کے ہمراہ موجود تھے۔ چیئرمین سید محمد مظفر نے ہر مقام پر جاری رینوویشن اور ترقیاتی کاموں کا تفصیلی جائزہ لیا، مکمل شدہ اور باقی رہ جانے والے کاموں کے بارے میں بریفنگ لی اور متعلقہ افسران کو ہدایات دیں کہ تمام کام تیز رفتاری اور معیار کے مطابق انجام دیے جائیں۔اس موقع پر فوکَل پرسن کلک عثمان غنی کو ہدایات جاری کی کہ ڈسپنسریوں میں آنے والے عوام کے لیے کلکیشن/ریکارڈ سسٹم کو مزید منظم کیا جائے،مریضوں کے ڈیٹا، ادویات کے ریکارڈ اور روزانہ کی کارکردگی رپورٹس کو بہتر بنایا جائے،ڈسپنسری عملے کی حاضری اور سروس ڈیلیوری پر خصوصی توجہ دی جائے۔ انہوں نے علامہ شبیر عثمانی لائبریری کے دورے کے دوران ڈپٹی ڈائریکٹر لائبریری ایاز عارف کو کہالائبریری کی بحالی، صفائی، کتب کی ترتیب اور ڈیجیٹل سہولیات کی بہتری کو یقینی بنایا جائے،نوجوانوں اور طلبہ کے لیے پڑھائی کے ماحول میں مزید بہتری اور نئے سروس پوائنٹس قائم کرنے کے اقدامات تیز کیے جائیں کیوں کہ عوام کی سہولیات ہماری اولین ترجیح ہیں، ہم ناظم آباد ٹاؤن کو ترقیاتی کاموں، صحت، لائبریری اور شہری خدمات کے لحاظ سے ایک مثالی ٹاؤن بنانا چاہتے ہیں۔ عوام کے لیے پہلے بھی اقدامات کیے ہیں، کر رہے ہیں اور یہ سلسلہ مزید مضبوطی سے جاری رہے گا،انہوں نے افسران کو ہدایت کی کہ ترقیاتی منصوبوں کو جلد از جلد مکمل کر کے عوام کو زیادہ سے زیادہ ریلیف فراہم کیا جائے۔
جاری کردہ:۔ فہیم مصطفی
ڈائریکٹر انفارمیشن
ناظم آباد ٹاون
